VOV4.K’ho - Trơgùm sre, tam gơl lo\ la broa\ dờng ngan geh Gah lơh broa\ sa suơn sre tàm càr Quảng Trị mut lơh tàm ala\ nam do. Ua\ lo\ sre dềt, gơ ơm rah rài geh trơ gùm gơs lo\ sre dờng, lơh buon boài tus [òn lơgar lơh geh blàng sre lồ dờng, lơh gơs ala\ tiah lơh sa ơnàng, tam mìng dùl chi tam lơh, bơtàu tơngguh cồng nha tàm dùl ba\ ù tiah gam pờ geh dùl gùng lơh broa\ sa suơn sre mờ bơtau bơtàu [òn lơgar pa tàm Quảng Trị.

            Ồng Nguyễn Đình Tấn kis tàm  ntum Triệu Đại,  kơnhoàl Triệu Phong, càr Quảng Trị ai git,  hìu nha\ lơh rlau 1 lồ sre, mơya lài do pal geh tus 6 lo\ sre dềt, geh gơ tam cah rah rài ua\ tiah, roh ua\ dà kơlhề  mờ pria\ tàm lơh sa. Nam lài, mpồl lơh sa bal neh mut lơh broa\ lơh trơ gùm sre, tam gơl lo\, pơrjum ala\ lo\ sre dềt gơs lo\ sre dờng, hìu nha\ ồng gam 3 lo\ sre nđil bal. Ồng Nguyễn Đình Tấn chờ hờp, tu\ do sre ồng dê geh buơn boài tàm bơcri lơh sa, geh ngui ma\y mok tàm lơ òr ù, sih tam mờ tơnhàu den buơn boài rlau mờ lài. Ồng ai git:“Lài do, hìu nha\ a` geh tus 16 lo\ sre, gơ ơm rah rài bơh 6 tus 7 tiah bơh blàng sre, mơya tu\ do mìng gam 2 tiah. Bè hơ\,  broa\ lơh trơ gùm sre,  tam gơl lo\ sre geh buơn boài ngan tàm lơh sa, di pal mờ cau lơh sre”.

            Kơnhoàl Triệu Phong la dùl tàm ala\ kơnhoàl geh broa\ lơh trờ gùm sre, tam gơl lo\ mhar ngan tàm càr Quảng Trị. Ua\ tiah làng bol  cau tàm mpồl lơh sa bal neh lơh is rồ bồc, ai ù nàng mpồl lơh sa bal cò ring, trơ gùm sre,  lơh gùng lòt tàm dơlam blàng sre, lơh rbòng bơtơt rbòng dà. Tus tu\ do,  geh rlau 90% sre bơh kơnhoàl dê neh mut lơh gơs broa\ trơ gùm sre, tam gơl lo\, lơh geh ala\ lo\ sre dờng kờ` geh ngui ala\ bơta jak chài pa tàm  broa\ lơh sre. Ồng Phan Quang Giải kuang jat jơng atbồ anih duh broa\ làng bol kơnhoàl Do Linh, càr Quảng Trị ai git,  do la bơta niam buơn ngan kờ`  [òn lơgar geh sền gròi,  rơndap lơh wơl ba\ lo\ sre, bè: geh rbòng dà tus, gùng lòt tàm sre, rơndap  tiah tam ala\ chi tam… di pal mờ broa\ lơh sa, tềm pềr  sa\ lơh broa\, tơngguh geh tai tàm dùl ba\ lơh sa:“Tơngai tus, bol a` geh lơh ngan lam sồr geh lơh gơs broa\ lơh trờm gùm sre, tam gơl lo\ bơh ala\ mpồl gam wơl mờ lơh gơs broa\ đo was, lơh sra\  ù sre làng bol cau lơh sre in”.

            Tus tu\ do,  [òn drà mờ rlau 30 rbô hìu nha\ làng bol lơh sa tàm càr Quảng Trị neh mut lơh broa\ lơh trờ gùm sre tam gơl lo\, kơnờm bơh hơ\ neh tơmù geh 70% lo\ sre lài do. Ua\ tiah neh mut lơh broa\ trơ gùm sre, tam gơl lo\ dơ\ 2, bal ờ rơndap ala\ tiah lơh sa mìng dùl  phan lơm,  kờ` bơtàu tơngguh lơh sa suơn dờng, lơh geh blàng sre lồ dờng lam lài geh bơta kuơ lơh sa jơnhua. Mìng is kàl lơh sa  prang pa do. Càr Quảng Trị geh 300 lồ ù sre lơh kòi geh mut lơh lơh sa jat broa\ blàng sre lồ dờng. Làng bol ring bal geh ngui bal dùl bơta sơntìl, sih tam di bal dùl rơh mờ geh ngui bal broa\ lơh sền gàr, sơng kah.  Ồng Nguyễn Văn Bài gơnoar atbồ Gah lơh broa\ sa mờ bơtàu tơngguh [òn lơgar  càr Quảng Trị, ai git, broa\ trơ gùm sre, tam gơl lo\, geh pơ gồp prap geh ù tiah, lơh geh ù lơh broa\ sa, kờ`  cơnđoà tus lơh gơs dùl rài lơh sa suơn sre kơljap. Ồng Nguyễn Văn Bài, đơs:“Broa\ lơh trơ gùm sre, tam gơl lo\, geh lơh bal tàm  broa\ lơh sa mờ drà ka\ bro, ngui ma\y mok pa tàm broa\ lơh sa mờ  ngan ngồn la lơh geh ala\ phan bơta, gùng lòt, rbòng dà. Gơtùi đơs, do la dùl broa\ mut lơh geh rơndap lơh wơl bơh ala\ gah,  neh chul chồl kờ` wèt tus dùl rài lơh broa\ sa kơljap,  geh kuơ rlau mờ bơta  bơceh broa\ lơh bơh làng bol  cau lơh sa slơ ngai slơ geh bơtàu tơngguh”.

            Tàm 2, 3 nam lài, đơs tus broa\ lơh blàng sre lồ dờng gam la jơnau ngài ngan tus mờ dùl càr  rbah bè Quảng Trị. Tu\ do,  tiah lơh broa\ sa tàm [òn lơgar càr Quảng Trị neh geh ala\ blàng sre  ơnàng dờng bal mờ tiah lơh sa dờng kơnờm geh tam trơ gùm sre, tam gơl lo\. Geh cồng nha bơh broa\ trơ gùm sre, tam gơl lo\, lơh geh blàng sre lồ dờng geh  pơ gồl lơh tam gơl muh mat  [òn lơgar pa tàm càr Quảng Trị.