Trung uý Đặng Quang Bắc, pôs ling sền gàr tiah nhàr lơgar Srepôk bơh jo\ ngan neh geh làng bol kòn cau Rơđê tàm bòn Drang Bhôk, ntum Krông Na, kơnhoàl Buôn Đôn, càr Dak Lak sền bè cau tờm tàm hìu nha\. Drơng gah cơldu\ kham kòp ling klàng mờ làng bol lơh bal, bi neh ơm bal, sào bal, sền gròi pràn kơldang sa\ ja` làng bol in, hời rhời sang sơbì ala\ bơhìan bơr ngơl gơla, jơgloh rbah. Đặng Quang Bắc la dùl tàm ala\ cau geh pơnrơ jak ngan pa geh càr Dak Lak jờng rơ la  cau lơh sơnơm kơnòm sa\ lơh jat  jơnau  bơto sồr Bác Hồ dê, lơh broa\ dong kờl is tài pràn kơldang sa\ ja` mpồl bơtìan.

            Tus cơldu\ kham ling klàng mờ làng bol lơh bal bòn Drang Bhôk nàng tam gơl bìai pùt mờ rào sồt, mpàng tê ma pal cing 4 mũi, bi Y Thuyên boh bơr, bơtuah  ngan la bi geh sơm sồt mo di pal, den tàng tềng sồt ờ gơ lơh aniai ua\ tus pràn kơldang sa\ ja`. Bi đơs:“Tê a` ngai mbòr lòt mìr, gơbàn yoas pès di aniai, tus tàm do geh bi Bắc cau ling rào, jùt, pùt sồt, den ngai do neh ờ hoan jê tai. A` ưn  ngaà ngan tus mờ bi Bắc”.

            Cau mờ bi Y Thuyên đơs tus la trung uý Đặng Quang Bắc tàm  pôs lìng sền gàr nhàr lơgar Srepôk, kơnhoàl Buôn Đôn, càr Dak Lak. 10 nam do,  bi neh đềt mềr, drơng gàr tus  pràn kơdang sa\ ja` tus làng bol tiah nhàr lơgar Drang Bhôk, tiah geh cơldu\ kham sơm kòp bơh ling klàng mờ làng bol lơh bal. Lo\ Phan Thị Minh kis tàm bòn Drang Bhôk đơs:“Geh cơldu\ kham sơm kòp tềng do la bòn Drang Bhôk geh kơnờm ua\ ngan, kơnờm bơh wa Bắc la làng bol tàm do ờ hoan kòp tê jê sa\. Wa cau ling do niam ngan, jơh nus ngan mờ làng bol, làng bol kòp tê jê sa\ gùl bơnang kung lòt, drim hìng geh tus lòt lùp tai. Jơh nùs ngan  mờ bòn lơgar den tàng cau lơi kung kờ` lơm”.

            Bal mờ cau lơh broa\ bơh cau lơh sơnơm sền gàr pràn kơkdang sa\ ja` bơh làng bol, Đặng Quang Bắc gam sùm geh tus dong kờl, pơlam làng bol tàm broa\ lơh sa, nàng bơtàu tơnguh hìu nha\, bơt bơtàu tiah nhàr lơgar niam ờ do ờ da\. Ồng Y Phưn gam sơnđan la bèp Xí đơs:“Ưn ngài đảng, Dà lơgar, ưn ngài cau ling sền gàr nhàr lơgar, neh dong kờl mờ sền gàr pràn kơldang sa\ ja`, phàt sơnơm tơl làng bol tàm bòn in tàm ala\ tu\ gơbàn kòp tê jê sa\. Cau ling sền gàr nhàr lơgar ờ mìng kham sơm kòp, phàt sơnơm làng bol in, mờ sùm gam pơlam làng bol tàm broa\ lơh sa, ơm kis pah ngai, kờ` rài kis slơ ngai slơ niam rlau”.

            Jat bác sĩ Y Đơn Niê hìu sơnơm ntum Krông Na, den bơta đềt mềr bơh Đặng Quang Bắc neh pơ gồp  dờng ngan tàm broa\ lơh tam gơl rài kis bơh làng bol tàm tiah sar lơgar ngài Drang Bhôk, tiah ngài mờ tàm gùl ntum geh  tus 20 kơi sồ gùng lòt:“Lài do ờ hềt geh cơldu\ kham sơm kòp ling klàng làng bol lơh bal la tu\ gơbàn kòp tê jê sa\ làng bol pal lơh yàng lài, di lah ờ bời den hơ\ sồng tus hờ hìu sơnơm ntum kham dan sơnơm. Ai tu\ do neh geh bi Bắc tàm do la làng bol kòp den geh tus kham kòp. Bi Bắc neh kis bal tàm do, ơm bal sa bal mờ làng bol den tàng đơs làng bol dờ`. Khà git wa\ bơh làng bol bè broa\ rcang sơndra\ kòp tê jê sa\ kung neh git ua\ rlau, dùl bơnah kơnờm bơta mblàng pơlam bơh bi Bắc. Ala\ kòp nggờ] den bi Bắc sơm tơn tàm cơldu\, den tàng bươn boài ngan, mờ đơs bal la bơta kòp tê jê sa\ neh gơmù ua\ ngan pơndrờm mờ lài”.

            Trung uý Đặng Quang Bắc boh bơr, bi đềt mềr ờ bòn Drang Bhôk bơh nam 2004, tơnơ\ hơ\ bi geh ai lòt bơsram y sĩ quân y. Bơh bơta kờ` gơboh ngan bơh làng bol la  bơta neh lơh bi geh tus lơh broa\ wơl tàm tiah nhàr lơgar do. Git loh rài kis bơh tơl hìu nha\, geh ua\ cau gơbàn kòp jrua\, bi gam ta\ pria\ nàng dong ai cau kòp geh tus hờ hìu sơnơm kơnhoàl sơm kòp. Bơta bi kơp kờ` ngan la lơh mbè lơi nàng sền gàr pràn kơldang sa\ ja` tus làng bol tàm tiah kal ke do geh  niam rlau. Trung uý Đặng Quang Bắc, tàm pôs ling sền gàr nhàr lơgar Srepôk đơs:“Tus ơm lơh broa\ mờ làng bol kis tàm tiah sar lơgar ngài do den jo\ la bơta chờ, lòt tềng lơi den làng bol kung kờ` he. Kơp kờ` a` dê la tiah sar lơgar ngài do, khà sơnơm den ờ ua\, den tàng a` kờ` ngan ala\ anih lơh broa\ geh bơcri tàm do geh tơl sơnơm nàng làng bol geh sền gàr pràn kơldang sa\ ja` bơh sơnrờp niam rlau”.

            Tàm dơ\ tơng kah 19/5 pa  do, trung uý Đặng Quang Bắc la dùl tàm 30 na\ cau pơnrơ ngan geh càr Dak Lak jờng la cau lơh sơnơm kơnòm sa\ lơh jat jơnau Bác Hồ bơto, lơh broa\ is tài pràn kơldang sa\ ja` mpồl bơtìan”. Ờ pơnỳơ mờ jơnau jờng do, bi boh bơr, bơta kờ` gơboh bơh làng bol la bơnah jờng dờng ngan dong bi sơr lèt tơl kal ke, mut lơh niam broa\ lơh bơh cau lơh sơnơm ling klàng làng bol tiah do lơh  lơh bal tàm tiah nhàr lơgar.

                                                                        Cau mblàng K’ Brọp