VOV4.K’ho-Mờr 15 rbô lồ tơngời tàm gùt lơgar neh gơtìp tu keo nhai hàm sa aniai. Bă tơngời, khà hoàc hươr pơn jat tai gơguh mờ gam digơlan lơh bơtờp tus ală kàl pơn jat tai. Do là tơngume pal sền ngac ngan geh đơs tàm Pơrjum sơlơ tơnguh tai broă lơh đơng lam rcăng sơndră tu keo nhai hàm tàm ală càr tiah kềng dà lềng đah jum tàm gùl lơgar mờ Tây Nguyên bơh Bộ Nông nghiệp mờ Phát triển Nông thôn dê bơyai lơh tàm lồi poh lài tàm [òn dờng Pleiku, càr Gia Lai.

Tàm pơrjum, kuang bàng tus bơh 13 càr tiah kềng dà lềng đah jum tàm gùl lơgar mờ Tây Nguyên ndrờm geh bal dùl jơnau đơs là tu keo nhai hàm gam lơh aniai uă ngan mờ kal ke ngan rcăng sơndră.

                                                             Anih pơrjum

Tiah do tu\ do neh geh mờr 7 rbô lồ tơngời gơtìp tu do lơh aniai. Phó Chủ tịch UBND càr Gia Lai ồng Kpă Thuyên pà gi\t bal mờ uă bơta kal ke, ờ pràn jak tàm broă lơh rcăng sơndră mờ bă tơngời gơtìp sa aniai tàm ù tiah càr dê gơguh sơrbac mhar ngan. Kờp tus gùl nhai 7 do, jơh gùt càr geh tus 5 rbô lồ tàm kờp jơh 31 rbô lồ tơngời nhai mìu gơtìp tu keo nhai hàm lơh aniai bal mờ jơh ală sơntìl tơngời ndrờm gơtìp tu sa aniai jơh. Ồng Kpă Thuyên đơs:

Cồng nha broă lơh rcăng sơndră tu keo nhai hàm ờ hềt uă, tài bơh do là dùl jơi phan lơh aniai pa den tàng bơta gi\t wa\ bơh làng bol lơh broă sa dê bè bơta tu do gam ờ hềt uă. Broă lơh bơto yal, mblàng yal mờ đơng lam bơh gơnoar atbồ tàm tiah hơ\ dê nàng dong làng bol lơh broă lơh rcăng sơndră. Broă sih tam tơngời ờ go\ tam dùl ròt bal, tam bal tàm dùl bă tiah geh uă ngan tơngời geh sih tam tàm uă tu\ tơngai krơi is, lơh gơbàn kal ke ai broă lam lơh rcăng sơndră kòp ờ hềt gơtùi dùl ròt bal mờ gròi sền bơta rơ\ rài ntrờ` tiah ơm kis, lơh aniai bơh tu keo dê.

Jat Cục Sền gàr phan tam dê đơs, tus gùl nhai 7, jơh gùt lơgar neh tam geh pơgăp 415 rbô lồ tơngời, bă tơngời gơtìp tu keo nhai hàm sa aniai là mờr 15 rbô lồ.

                    Thứ trưởng Bộ Nông nghiệp mờ Phát triển Nông thôn ồng Lê Quốc Doanh

Tàm hơ\, bă tơngời gơtìp hoàc hươr kơn jơ\ là pơgăp 1.300 lồ. Tàm nhai 7, tơngời nhai mìu pơn jat tai geh tam den tàng bă tơngời gơtìp tu keo lơh aniai digơlan geh gam pơn jat tai gơguh. Pal sền ngăc ngan là tơngời nhai mìu mìng gam tàm tơngai tơngời pa dờng, do là tơngai [ươn ngan gơtìp tu keo lơh aniai. Mơkung bal mờ broă kàl lơh sa bồ nam tàm pơn jăt gơ\p, tu digơlan geh pơn jat tai lơh bơtờp tàm ală kàl bồ nam pơn jat tai. Thứ trưởng Bộ Nông nghiệp mờ Phát triển Nông thôn ồng Lê Quốc Doanh pà gi\t, ờ go\ di mìng lơh aniai tàm tơngời lơm, tu keo nhai hàm gam ngòt rơngơ\t gơ wèt tus mờ uă bơta chi tam ndai den tàng kờ` pal geh sền gròi uă bè broă lơh rcăng sơndră tu. Ồng Lê Quốc Doanh đơs:

Bol he pal gi\t wa\ wil tơl, do là dùl phan kis lơh aniai ngòt rơngơ\t ngan, gơ sa ờ go\ di mìng tơngời lơm gời ờ, gam uă ngan chi tam ndai mơya tờm chi tam khà dùl là tơngời. Kuơmàng, bol he tam tàm pơn jat tai, ờ hềt tơnhàu kàl do den neh sih tam pa den tàng tàm pơn jat tai kal ke ngan. Hơ\ sồng bơta is rơmis sinh học, rùp să bơh tu do dê, jơnau deh kòn, kis dờng kung kal ke ngan sơl.

Tềng đap ală bơta kal ke ờ gơtùi gi\t lài bơh tu keo nhai hàm dê, Thứ trưởng Bộ Nông nghiệp mờ Phát triển Nông thôn ồng Lê Quốc Doanh kung sồr gơnoar atbồ, gah lơh broă geh gơrềng ală càr rcăng lài, jơh nùs lơh jat ală broă lơh rcăng sơndră jat bơta bơto pơlam bơh Bộ dê; mblàng yal, bơto yal mờ pơlam làng bol lơh broă sa in lơh jat broă lơh rcăng sơndră kòp nàng kơryan hoàc hươr mờ lơh bơtờp. Gơ wèt mờ Cục Sền gàr phan tam mờ ală Tiah tờm kơlôi sơnơng tiah do kờ` pal kơlôi sơnơng mhar ală broă lơh rcăng sơndră geh cồng nha nàng lơh jat tàm ală kàl bồ nam mờr tus.

Cau mblàng Lơ Mu K’Yến