VOV4.K’ho -  Kòp  gơbàn tềng tờm bơkàu cúc gam gơbàn ua\ ngan mờ lơh gơbàn aniai kơnjơ\ ngan tàm [òn dờng Dà Làc, Lâm Đồng. Tu\ do geh ua\ ngan sươn bơkào tac tàm drà ka\ bro sa tềp gơbàn chơt neh lơh làng bol tam pal dui\ sang.

             Pa dui\ sang ala\  tờm bơkào cúc ờ pràn  mờ gơbàn kòp kơnjơ\,  ờ gam bơta pràn nàng bồm sơnơm  tai,  bi Nguyễn Tấn Duy, kis tàm tổ 20 sơnah 4, [òn dờng Dà Làc, Lâm Đồng ai git,  kàl bơkào sa tềp  nam do hìu nha\ gơbàn ờ geh cồng nha ua\ ngan. Rlau dùl  sào bơkào cúc ndrờm gơbàn kòp, tàm hơ\ geh 70% bơkào neh pal dui\ sang. Bulah hìu nha\ neh ngui ua\ ngan bơta sơnơm tu nàng rcang sơndra\ mơya drờm ờ geh cồng nha. Kờp du\ kàl bơkào sa tềp nam do hìu nha\ gơbàn hoàc hươr 505 kờp jơh khà pria\ bơcri:

             Kàl do a` tam  tàm  rlau 1 sào,  pơgap di 90 tus 100 rbô tờm mờ neh gơbàn ờ diơng jơh. Tu\ bềng gơbàn pàl nha, tơnơ\ hơ\ gơ bàn kue ngko bơkào ờ gơtùi lì bơkào,  hơ\ sồng  gơbàn ờ diơng tơn. Lơh ngan  den geh di 30%, gam wơl la pal dui\ sang, bulah he neh bồm, ngui ua\ bơta sơnơm  mơya ờ gơtùi dong geh. Kàl bơkào do gơbàn hoàc hươr 50% gơbloh, mìng ai geh di mơ gùl khà pria\ bơcri. Ờ mìng bơkào gơbàn  aniai ờ diơng mờ gam tac lơyah pria\, bơkào tac lơyah pria\ nđờ nhai do gơbloh den tàng cau lơh sươn ờ jai kis ngan.

             Drờm bè hơ\, ồng Cao  Quảng Đà, kis tàm An Sơn,  sơnah [òn 4, [òn dờng Dà Làc, Lâm Đồng kung gơbàn hoàc hươr ua\ ngan tài bơh kòp aniai tàm sươn bơkào cúc. Do la kàl bơkào cúc sùm dơ\ 3 hìu nha\ ồng gơbàn ờ gơtùi tơnhàu tài pal geh dui\ sang jơh sươn chi. Jat ồng Đà, tu\ do broa\ tam bơkào kung ndrờm bè nhơl bài sa pria\:

             A` kung sền sơnơng ua\ bơta sơnơm, kung bồm mờ sơng ka sền gàr nền nòn ngan mơya gơ geh den he chờ mờ ờ geh den kung pal kong gơ, sùm bè nhơl bài sa pria\ hơ\. Bơcri lơh dùl sào mìng is pria\ sơntìl, lơ òr ù tam  bơkao kung neh la 20 tơlak pria\ bloh, ai tơnơ\ hơ\ he  sơng ka sền gàr tờm tus tu\ bơkào gơtùi tơnhàu la  di 30 tơlak pria\ tai,  mơta gơbàn ờ diơng den gam ờ diơng pal dui\ sang. Mờ làng bol tàm do ờ go\ di lơh dùl sào, sào do jơh lơh geh sào ndai, neh dui\ den la pal du\i sùm. Mìng is a` bơh nhai 5.2018 tus tu\ do tam geh 3 sào, lơh 3 kàl den sùm pal dui\ sùm.

             Ồng Phan Khắc Cứ, Atbồ Phòng  lơh sa [òn dờng Dà Làc, Lâm Đồng ai git,  bal mờ mờr 340 lồ ù tam bơkào hồng geh tam niam, Dà Làc gam tam tam di 650 lồ ù ala\ bơta bơkào ndai nàng tac tàm drà ka\ bro sa tềp bơhìan dà lơgar nam do, tàm hơ\ geh 550 lồ ba\ ù bơkào ala\ bơta. Bơta  bơkào gơbàn ờ diơng bơh kòp geh lơh cau tam pal dui\ sang la geh mơya tu\ do gam ờ hềt kờp jơh geh nền nòn mờ kờp jơh ba\ ù gơbàn hoàc huơr. Gơbàn geh bơta  lơh bơkào Dà Làc gơbàn kòp, lơh hoàc hươr lơh sa ai cau lơh  broa\ in la bơh khà sơntìl tam ờ niam.

             Tàm tu\ hơ\,  jat Chi cục tam phan mờ sền gàr phan tam càr  Lâm Đồng, kòp do la bơh dùl bơta virus lơh aniai, bơh sơnrờp gơ lơh  ờ niam nha, nha dềt, geh tep rtèl pàl rmit tơnơ\ hơ\ gơ ro rhời,  tờm bơkào  gơbàn kòp la geh jù, ro mờ ồm  kơmhò. Tu\ do, ba\ ù kòp tềng tờm bơkào cúc tàm Dà làc gam geh ai go\ slơ ngai slơ  gơguh ua\, ngan la tàm ala\ sơntìl bơkào cúc đoá, saphir, kim cương kò, tơlir thái mờ  rmit thái. Nàng pleh bơta gơbàn kòp pơnjat tai gơbàn bơtờp ua\  ơnàng, cau lơh sa kờ` pal dui\ sang mờ tơp pơrguk jơh ala\ ba\ ù bơkào gơbàn  kòp, tơnơ\ hơ\ geh tam gơl gơs tam ala\ bơta chi tam ndai krơi is  sơntìl.

          Cau mblàng K’ Brọp