VOV4.K’ho- Geh kwơ ngan ngồn tơngkah kir sơnrai 92 nam Ngai crơng gơs Đảng (03/02/1930- 03/02/2022), tàm Hìu đơs crih dờng, Ƀăo Điện tử Đảng Kộng sản Việt Nam, gơwèt Ƀan Tuyên giáo dà lơgar bơyai lơh Broă lơh đơs crih tam ya dờng màng “Gàr niam bơta pin dờn”. Broă lơh geh rơndăp lơh roh uă ngan dà kơlhề, geh tam pà lơh gơs 2 bơnah: “Gàr niam bơta pin dờn” mờ “Dà lơgar lì bơkàu”, mờ rlau 10 jơnau đơs crih tam ya niam ngan gơwèt ală jơnau đơs crih tam ya geh rơndăp lơh roh uă ngan dà kơlhề jăt broă đơs crih tam ya, jơnau đơs gùng đơs crih tam ya rài yau pa tŭ do.

Broă lơh do là tŭ nàng kah wơl jơnau kah yau pơnrơ ngan bơh Đảng dê, ală tŭ tơngai àng gơcrà ngan, cồng nha lơh geh dờng ngan geh bơta kwơ kah yau bơh kăc màng Việt Nam dê bơh bơta đơng lam bơh Đảng dê; đơs nền gùng lòt 92 nam tam lơh, bơ̆t bơtàu mờ bơtàu tơnguh; kah wơl ală jơnau bơsram mờng chài sơrlèt gan kal ke, bòl glar, bơta phi să bal mờ ală cồng nha lơh geh pơnrơ ngan bơh làng bol dê neh ai geh bơh bơta đơng lam bơh Đảng mờ Củ tịc Hồ Chí Minh. Bơh hơ̆, sơlơ gĭt wă mờ pơñiờ să bè jơi bơtiàn Việt Nam, bè Đảng Kộng sản Việt Nam pơnrơ ngan àng gơcrà ngan tam lơh tài bơta lơngăp lơngai khăt gơboh is bơh Dà lơgar dê, tài bơta chờ hờp bơh làng bol dê.

Cau mblàng Lơ Mu K’Yến