VOV4.K’ho - Ngai òr (14/06), Sở Văn hoá, Thể thao mờ Zu lịc càr Dăk Lăk bơyai lơh sơn đờm bơto 2 ơdŭ dròng cing ai ơruh pơnu, kơnòm pa tào mờ kơnòm dềt tàm kơnhoàl Krông Ana.

            Càr Dăk Lăk pờ geh uă ơdŭ bơto dròng cing ai ơruh pơnu, kơnòm pa tào mờ kơnòm dềt in

Tàm hơ̆, ơdŭ bơto dròng cing Jhô kòn cau Rơđê Bih tàm thị trấn Buôn Trấp ai ală kơnòm ùr dềt mờ 20 nă cau tàm sơnam bơh 6 tus 12 sơnam. Ơdŭ bơto dròng cing tàm xã Drai Sáp geh 21 nă cau klao, cau ùr tàm sơnam bơh 20 tus 40 sơnam tus bal. Tàm tơngai 2 nhai, ală cau bơsram geh bơsram tàm broă dròng ală jơnau cing tờm bè wă năc, chờ gờm kàl lơh sa, duh khoai kòi pa. Ală dơ̆ bơsram geh bơyai lơh tàm trồ mang tềng hìu chài rơgơi xã ha là tàm hìu pơrjum ƀòn, geh ală cau chài dròng cing tàm ƀòn bơto. Tàm dơ̆ do, càr Dăk Lăk kung bơyai lơh sơn đờm bơto dùl ơdŭ bơto dròng cing kòn cau Mnông tàm kơnhoàl Lăk ai 20 nă cau bơsram tàm sơnam bơh 15 tus 25 sơnam tus bal.

Cau mblàng Ndong Brawl