VOV4.K’ho - Tàm 2 ngai bơh ngai 20 tus 21 nhai 07, tàm ƀòn dờng Buôn Ma Thuột, càr Dăk lăk geh bơyai lơh dơ̆ tìp bal bơta chài rơgơi kơnòm dềt ală jơi bơtiàn kòn cau tiah tàm gùl lơgar mờ Tây Nguyên.

                               Kơnòm dềt geh pơnrơ jăk dờp khà priă bơsram Vừ A Dính

                 Ală kơnòm dềt geh tus jòi sền nàng git bè bơta niam chài rơgơi ală jơi bơtiàn kòn cau

Tus bal broă lơh do geh 200 nă cau ala măt là kơnòm dềt kòn cau geh pơnrơ jăk tàm ală càr Dăk Lăk, ƀòn dờng Đà Nẵng, càr Lâm Đồng, Kon Tum, Dăk Nông, Gia Lai. Ală kơnòm dềt ờ mìng bơsram sră jăk mờ gam là ală cau atbồ ơdŭ bơsram lam lài, Mpồl atbồ đội, atbồ ci đội jăk, sùm dong kờl ală bơyô gơguh jăk bal. Tàm broă lơh do, ală cau ala măt geh tus bal mang chờ chu ồs mờ sền sền ală dơ̆ đơs crih tamya niam geh uă bơta niam chài rơgơi kòn cau dê, geh ală mpồl tus bal pơrlòng bơyai lơh; tus bal ală broă tìp bal, jòi nàng git ală bơta niam chài rơgơi niam bơnĕ bơh ală ù tiah dê... Di tàm dơ̆ do, Đoàn ơruh pơnu dà lơgar Kộng sản Hồ Chí Minh ai pà broă lơh ƀlàng tàp pràn să jan mpồl bơtiàn geh 150 tơlăk đong mờ hìu chèo pơrhê geh 80 tơlăk đong ai càr Dăk Lăk in. Kes priă bơsram sră Vừ A Dính ai pà 50 khà priă bơsram geh 50 tơlăk đong ai 50 nă kơnòm dềt kòn cau tiah tàm gùl lơgar mờ Tây Nguyên in.

Cau mblàng Ndong Brawl