VOV4.K’ho- Củ tịc lơgar ồng Nguyễn Xuân Phúc neh kĭ Kơrnuat bè broă pà khà jờng Huân cương Lơh broă ai ală cau pơrlòng geh cồng nha uă tàm SEA Games 31 pa do. Jat hơ̆, Củ tịc lơgar geh Kơrnuat pà Huân cương lơh broă khà 2 ai 5 nă cau pơrlòng geh cồng nha uă tàm SEA Games 31 là: Nguyễn Huy Hoàng, mpồl re dà dà lơgar ai geh 5 gai lòng biàng, uă rlau mờ 2 dơ̆ ai geh gai lòng biàng tàm SEA Games; Trần Hưng Nguyên, Mpồl re dà dà lơgar, ai geh 4 gai lòng biàng, uă rlau mờ 2 dơ̆ ai geh gai lòng biàng tàm SEA Games 31; Nguyễn Thị Hương, Mpồl Canoeing dà lơgar, ai geh 5 gai lòng biàng; cau pơrlòng Nguyễn Thị Oanh, mpồl ntoat dà lơgar, ai geh 3 gai lòng biàng, uă rlau mờ 1 dơ̆ ai geh uă gai lòng biàng tàm SEA Games. Củ tịc lơgar ồng Nguyễn Xuân Phúc kung geh Kơrnuat pà Huân cương lơh broă khà 3 ai 2 mpồl cau mờ 19 nă cau dùl nă să geh cồng nha uă tàm SEA Games 31. Bàr mpồl cau geh: Mpồl coh plai cau klau U23 dà lơgar mờ Mpồl coh plai cau ùr dà lơgar, ndrờm ai geh Gai lòng biàng tàm SEA Games 31.

Cau mblàng K’Duẩn