VOV4.K’ho - Tàm pang sră sồ 2704 ngai 28 nhai 4 nam 2022, Phó Thủ tướng ồng Vũ Đức Đam ring bal bơyai lơh dùl anih cuh păo bơkào bơrtoh (tàm tiah ñhoa mờ tiah lơyah), tơngai ờ uă ir 15 phút tàm dơ̆ sơn đờm pơrlòng tàp pràn să jan Đông Nam Á dơ̆ 31 lơgar Việt Nam (SEA Games 31) tàm mang ngai 12 nhai 5 nam 2022 tềng ƀlàng coh plai Dà lơgar Mỹ Đình, ƀòn dờng Hà Nội.

Phó Thủ tướng jào UɃÑZ ƀòn dờng Hà Nội đơng lam broă bơyai lơh, tàm hơ̆ pơgồp bal nền nòn mờ Ƀộ Văn hoá, Thể thao mờ Zu lịc mờ ală anih lơh broă gơrềng bal tàm broă rơcang, lơh jăt; gàr niam broă lơh jăt di mờ Nghị định bơh Cíñ phủ bè atbồ, ngui phăo mờ sền gàr bơta lơngăp lơngai, ờ do ờ dă; lơh jăt broă rơcang sơndră mờ kòp kovid-19 di jăt kơrnoăt neh geh ai.

Cau mblàng Ndong Brawl