VOV4.K’ho- Tàm 5 nam tus, càr Dăk Lăk geh tă rlau 20 tơmàn đông nàng pơn jat tai lam lơh broă rơndap lơh prap gàr mờ ngui niam bơta niam chài cing mồng tàm càr. Do là tơngume gơ wèt Broă rơndap lơh lam lơh jat Nghị quyết bơh Hội đồng Ñân zân càr dê bè prap gàr mờ ngui niam bơta niam chài cing mồng càr Dăk Lăk, tơngai bơh nam 2022 tus nam 2025 pa geh Ủy ƀan Ñân zân càr Dăk Lăk ai tơlik pa do.

Mùl màl, jat broă rơndap lơh lam lơh jat Nghị quyết bơh Hội đồng Ñân zân càr dê nàng lam lơh ală broă lơh, pơn rơ bè: li la broă lơh mblàng yal, yal tơnggit, prap gàr phan lời wơl niam chài cing mồng. Pah nam lam lơh wơl êt ngan rlau jơh 1 broă lơh bơh jŏ, broă lơh chờ ờs mờng bơh ală jơi bơtiàn kòn cau dùl êt nă cau ơm kis bơh jŏ tàm càr gơ jat bal mờ broă lơh prap gàr niam chài cing mồng. Kơlôi sơnơng, tơrgùm, lơh wơl, ngui, bơto bơtê mờ tơnguh cồng nha ngui ală jơnau dròng cing yau bơh kòn cau Rơđê, M’nông dê tàm rài kis ƀòn lơgar.

Cau mblàng K’Duẩn