VOV4.K’ho- Tàm xã Ea Tar, kơnhoàl Cư Mgar, càr Dăk Lăk, Sở Văn hoá, Thể thao mờ Zu lịc càr Dăk Lăk neh bơyai lơh wơl Dơ̆ lơh oh mi bơh cau Rơđê dê nàng kờñ lơh wơl mờ ngui niam ală bơhiàn niam chài bơh ală jơi bơtiàn kòn cau dùl êt nă cau dê tàm tiah do.

Broă lơh oh mi geh lơh tàm hìu mò H’Djuăn Niê, ơm tàm ƀòn Drai Sí, xã Ea Tar, kơnhoàl Cư Mgar, càr Dăk Lăk, lơh oh mi mờ ồng Y Thôn Niê. Broă lơh oh mi geh lơh jăt bơhiàn bơh yau bal mờ 3 dơ̆ lơh yàng duh khuai, phan ơn pơdơng geh 7 drăp tơrnờm, dùl nơm sur dam neh krêo mờ 2 nơm iar, geh bơta geh mat bal mờ sền gŏ bal bơh gal ngan làng bol jơi nòi bơh 2 gah hìu bơnhă dê. Sở Văn hoá, Thể thao mờ Zu lịc càr Dăk Lăk pà gĭt, broă lơh wơl broă lơh oh mi là dùl tàm ală broă lơh bơh càr dê nàng kờñ lơh wơl ală broă lơh yàng ờs mờng bơh yau bơh ală jơi bơtiàn kòn cau ơm kis bơh jŏ dùl bă tiah dê tềng đăp bơta pơhìn ngai sơlơ hŭi roh tĕ, pơgồp bơnah prăp gàr mờ ngui niam ală bơta kwơ ù tiah niam chài cing mồng tàm tiah do dê.

Cau mblàng Lơ Mu K’Yến