VOV4.K’ho- Drim ngai 20.4, Sở Thông tin mờ Truyền Thông càr Dăk Lăk mut lơh Ngai sră mờ niam chài sền sră nam 2022.

Bơh tŭ do tus jơh ngai 22/4, Ngai sră mờ niam chài sền sră geh lơh uă broă lơh bè: Ràng tơlik ală bơta sră jat ală tơngume bè sră hàng, sră niam nam 2021 mờ nam 2022; Sră kơnòm dềt, cau cih sră, sră Dăk Lăk, ală sră nggal bè càr; sră kah yau mờ sră bè Củ tịc Hồ Chí Minh; Cribơyai, yal tơnggit cau cih sră, sră pa mờ tìp mat cau cih sră mờ cau sền sră; Bơyai lơh suơn sră kơnòm dềt mờ ală broă lơh jòi git ngan ngồn mpồl bơtiàn; hìu sền sră làm bă tiah; tă pơgồp sră, phan bơna, măi mok sền sră pà kơnòm dềt rƀah, dong kờl ală hìu sền sră tiah sar lơgar ngài, tiah nhàr dà lơgar mờ ală cau geh sền gàr dong kờl bơh mpồl bơtiàn. Bal mờ bơyai lơh tàm ƀòn dờng Buôn Ma Thuột, ală mpồl gam pơgồp bal bơyai lơh 2, 3 broă lơh lơh jat Ngai sră mờ niam chài sền sră tàm kơnhoàl Ea Hleo mờ tơngume li la mờ geh kuơ ngan.

Cau mblàng K’Duẩn