VOV4.K’ho- Ngai 01/05 tus, tàm ƀòn dờng Buôn Ma Thuột, Sở Văn hoá, Thể thao mờ Zu lịc càr Dăk Lăk geh pơgồp bal mờ cau bơceh jơnau đơs crih ồng Nguyễn Cường bơyai lơh Mang đơs crih tam ya “Tus mờ Kơh bơnơm” mờ lơh jơnau lơh lèu Kơ̆p kờñ ngan Dam San.

Đơs crih tam ya lơh lèu Kơ̆p kờñ ngan Dam San geh lơh ai cau in sền tàm ngai 01/05/2022

Broă bơceh lơh, rơndăp lơh Jơnau đơs crih lơh lèu Kơ̆p kờñ ngan Dam San geh Ủy ƀan Ñân zân càr Dăk Lăk dê kĭ ai lơh bơh nam 2020 mờ jơnau kơ̆p kờñ lơh dùl jơnau dờng ai broă lơh đơs crih tam ya Việt Nam in, jờng rơ bơta kơ̆p kờñ ngan brồ guh bơh cau Rơđê tàm tiah Tây Nguyên dê tàm jơnau kah yau mờ bơh càr Dăk Lăk dê ngai do.

Jơnau lơh bơh cau bơceh gùng đơs crih ồng Nguyễn Cường dê cih jơnau pơlam lơh mờ lơh cau pơlam lơh, cau chài làng bol ồng Y San Alio lơh cau ătbồ sền swì pơlam lơh; ală cau đơs crih tam ya tàm mpồl đơs crih tam ya kòn cau càr Dăk Lăk tàp lơh mờ rơcăng sùm tàm mờr 2 nam mờ neh geh lơh nàng sền swì tàm lồi nam 2021.

Cau mblàng Lơ Mu K’Yến