VOV4.K’ho - Dờp bal Ngai chờ chài rơgơi sền sră, tàm hìu bơsram kấp 3 Võ Văn Kiệt, kơnhoàl Ea H’ Leo, Hội Văn học nghệ thuật càr Dăk Lăk pơgồp bal mờ Sở Văn hoá, Thể thao mờ Zu lịc, Sở Giáo dục mờ Đào tạo, Tỉñ đoàn mờ Thư viện càr bơyai lơh “Sră mờ cau kơnòm să bơsram sră”.

                                          Ngai sră geh bơyai lơh tàm càr Dăk Lăk

Ngai chờ geh bơyai lơh ală broă lơh bè: Lam sồr dơ̆ pơrlòng Đại sứ chài rơgơi sền sră càr Dăk Lăk nam 2022; yal sră “Phan lời wơl Hồ Chí Minh-Sră pơyoa ơruh pơnu in”; lam sồr adăt boh lam “Ờ do ờ dă jơnau tơngit tŭ ngui internet mờ tus bal tàm internet”. Mò Niê Thanh Mai, Củ tịc Hội Văn học nghệ thuật càr Dăk Lăk pà git, broă lơh do nàng dong kờl ală kơnòm bơsram geh tai dơ̆ niam geh tìp mờ sră, ai tơl bơta niam tơnguh bơtàu bơta chài rơgơi sền sră bơh tàm hìu bơsram, tàm hơ̆ uă ngan là gơwèt mờ ală hìu bơsram tàm tiah ngài.

Cau mblàng Ndong Brawl