VOV4.K’ho- Ngai 19/05, tàm càr Đồng Tháp neh ngan ngồn mŭt lơh Dơ̆ lơh chờ Sen Đồng Tháp dơ̆ dùl, nam 2022, broă lơh do geh bơyai lơh di tàm dơ̆ tơngkah 132 nam ngai deh Củ tịc Hồ Chí Minh (19/05).

Mờ tơngume “Sen ngai pa”, Dơ̆ lơh chờ Sen Đồng Tháp cèng ală bơta gơn kơnờm ngan bơtàu tơnguh uă rlau tai bơh Đảng ƀộ, gơnoar ătbồ mờ làng bol Đồng Tháp dê, cih tai gùng lòt lơh mờ yal tơngĭt măt kă bro phan Ù Sen Hồng. Dơ̆ lơh chờ Sen geh lơh tŭ jơh ală broă lơh kă bro, drơng broă, nhơl chờ rơhời geh lơh wơl tơnơ̆ tŭ tơngai gơtìp gơrềng tài bơh kòp Kovid-19.

Ồng Phạm Thiện Nghĩa, Củ tịc Ủy ƀan Ñân zân càr Đồng Tháp pà gĭt, Dơ̆ lơh chờ Sen dơ̆ do ờ mìng nàng lơh geh jơnau kờñ lòt sền nàng gĭt, tìp măt lơh kwèng, bơceh lơh bơta niam chài, mờ gam là tŭ niam nàng tàm tơrbŏ, tìp măt lơh kwèng bal bơh ală cau lơh sa bè Sen dê, bơh ală cau kơ̆p kờñ cèng Sen yal tơngĭt mờ gơ̆p bơyô dunia in.

Cau mblàng Lơ Mu K’Yến