VOV4.K’ho - Ngai òr (25/01), hơ̆ là ngai 23 nhai 12, jăt bơhiàn ờs mờng bơh cau lơgar Việt Nam dê là ngai ồng Kông, ồng Táo đì ka cép guh rê hờ đang trồ nàng yal ală jơnau gơtìp tàm hìu nhă mờ bơtau yàng trồ.

Den tàng, pah nam tàm ngai do, làng bol tàm gùt lơgar ndrờm rơcang lơh yàng, phan pơdơng nàng jun ồng Táo guh yal hờ đang trồ. Nam do, tài gơrềng bơh kòp Kovid-19 den tàng làng bol rơcang sơlào piang duh khoai di mơ rơlao, tềm pềr mơya kung gam tơl, kah ưn ngài. Bŭ lah kòp gơtìp kal ke, mơya kung gam lơh ngan geh sùm bơta niam ờs mờng, hơ̆ là tơrdùh ka cép tơnơ̆ mờ tŭ neh lơh yàng duh khoai mờ kơ̆p kờñ dùl nam pa lơngăp lơngai, bơtoah. Jun ồng Táo rê yal hờ đang trồ, sơlơ jơh ală bơta glar bòl, kal ke bơh nam yau lơh nùs nhơm tơl nă cau niam bơnĕ rơlao nàng rơcang nùs nhơm mŭt tàm nam pa lơngăp lơngai mờ gơboh gơbài.

Cau mblàng Ndong Brawl