VOV4.K’ho - Sở Văn hoá, Thể thao mờ Zu lịc pơgồp bal mờ Ƀan Dân tộc càr Dăk Lăk bơyai lơh dơ̆ pơrlòng tàp pràn să jan ală jơi bơtiàn kòn cau càr Dăk Lăk nam 2022

                                           Jào khà pơn jờng ai ală mpồl pơrlòng jăk in

Dơ̆ pơrlòng geh bơyai lơh mờ 7 môn pơrlòng tàm ală tơngu me cau klao, cau ùr, tàm hơ̆ geh: nhơl bơlai, coh plai mini, ntoăt, lòt cah cang èt, pañ sơna kam, droh gai mờ duĭ che; hòi jà rơlao 600 nă cau tus bal. Do là dơ̆ pơrlòng tàp pràn să jan ờs mờng geh bơyai lơh pah nam, nàng tơnguih bơtàu uă broă tàp pràn să jan mờ pơrlòng tàp pràn să jan, tơnguh uă bơta pràn. Bơh tŭ hơ̆, rơwah ală cau jăk chài, geh cồng nha uă nàng bơtơl tàm ală mpồl pơrlòng càr dê tus bal pơrlòng tàp pràn să jan ală jơi bơtiàn kòn cau gùt lơgar geh bơyai lơh tàm càr Lai Châu tàm nam do. Tơn jơh pơrlòng, Mpồl bơyai lơh neh jào 149 khà 1, 2, 3 tàm ală tơngu me pơrlòng ai cau dùl nă să, mpồl geh khà pơrlòng. Kơnhoàl Krông Búk geh khà 1 gùt mpồl pơrlòng.

Cau mblàng Ndong Brawl