VOV4.K’ho- Ngai 15/02, tàm gùng Sră- Kơphê Buôn Ma Thuột, Mpồl văn họk Nghệ thuật càr Dăk Lăk pơgồp bal mờ Sở Văn hoá, Thể thao mờ Zu lịc càr Dăk Lăk bơyai lơh broă lơh Ngai Jơnau nrĭ Việt Nam dơ̆ 20, nam 2022.

                                              Đơs jơnau đơs nrĭ Gió về đầu phố

                    Bơyai lơh ngai jơnau đơs nrĭ Việt Nam tàm gùng Sách kơphe Buôn Ma Thuột

Geh lơh bơh tŭ do tus jơh ngai 17/02, broă lơh Ngai Jơnau nrĭ Việt Nam tàm Dăk Lăk mờ tơngu me “Pal kis mờ gơn kơnờm” geh bơyai lơh bal mờ uă broă lơh lơh gơkờñ ngan cau, gơcèng bơta niam chài đơs crih tam ya uă, geh bơta pơgồp bal đah ờs mờng bơh yau mờ rài pa tŭ do dê, mơkung gơcèng tềl kah is bơh bơta niam chài ală jơi bơtiàn kòn cau dùl êt nă cau dê. Tàm broă lơh, pang rùp “Càl khồm bồ tô gùng drà” bơh cau chài wăc rùp ồng Trần Thanh Long dê mờ rùp cùp niam chài “Sơnĕ prao Ban Mê” bơh cau chài cùp rùp ồng Bảo Hưng dê neh geh pà ai Mpồl đơng lam broă lơh “Preng piang tàm gùng Buôn Ma Thuột” in nàng tăc cok giă lơh geh priă jền dong kờl ală cau kòp rƀah gam sơm kòp tàm Hìu sơnơm dờng Tiah Tây Nguyên in.

Cau mblàng Lơ Mu K’Yến