VOV4.K’ho- Tàm dơ̆ Pơrlòng gùng đơs crih gùt lơgar gam geh lơh tàm ƀòn dờng Buôn Ma Thuột, Mpồl cau bơceh đơs crih Việt Nam pơgồp bal mờ Mpồl cih jơnau đơs crih tam ya càr Dăk Lăk neh bơyai lơh cribơyai gùng đơs crih bơh yau Tây Nguyên tàm rài kis gùng đơs crih pa tŭ do dê. Dơ̆ cribơyai gơhòi gơ jà gal ngan ală cau cih jơnau đơs crih tam ya tus bal cribơyai, mờ uă jơnau cih tă pơgồp jơnau đơs geh tơngume jrô ngan.

Mờ 12 jơnau cih tă pơgồp jơnau đơs geh sền tàm dơ̆ cribơyai, ală cau ala măt neh song dơ pă cribơyai nàng kờñ jòi gơlik ală gùng dà bơceh gùng đơs crih pa dipal mờ rài kis pa tŭ do mờ jờng rơ geh rài kis niam chài krơi is ngan bơh gùng đơs crih bơh yau, yô yau ală jơi bơtiàn Tây Nguyên dê. Cau bơceh đơs crih ồng Đỗ Hồng Quân, Kwang ătbồ Mpồl duh broă đơs crih tam ya Mpồl cau bơceh đơs crih Việt Nam đơs: do là tơngume gơcèng bơta gơlik geh pah ngai mờ ală jơnau đơs, jơnau cih tă pơgồp jơnau đơs bơh ală cau ala măt dê gơcèng bơta ờs mờng tàm broă lơh jrô. Dơ̆ cribơyai là broă lơh kơlôi sơnơng đơs sền geh uă bơta kwơ tàm dơ̆ pơrlòng gùng đơs crih gùt lơgar dơ̆ do.

Cau mblàng Lơ Mu K’Yến