VOV4.K’ho- Càr Dăk Nông gam jal mhar rơcang ai dơ̆ pơrjum dunia bè rơgồng bơnơm ồs dơ̆ 20 in (hòi lơyah là ISV 20) rơcang geh lơh tàm lồi nam do mờ bơta tus bal bơh jơh ală lơgar là lơgar geh jơng bơh mpồl kông viên điạ cất gùt plai ù UNESCO dê. Jat broă rơndap lơh, pơrjum dunia bè Rơgồng bơnơm ồs dơ̆ 20 (ISV 20) geh lơh bơh ngai 22 tus ngai 26/11/2022. Ală broă lơh pơrjum, cribơyai, ràng tơlik mờ yal tơnggit, hòi jà nhơl chờ geh bơyai lơh tàm Anih tờm pơrjum càr Dăk Nông.

Kơp kờñ bơtàu tơnguh nhơl chờ bơh ală rơgồng bơnơm ồs Kông viên điạ cất UNESCO Dăk Nông

Jat mò Tôn Thị Ngọc Hạnh, Phó Củ tịc Ủy ƀan Ñân zân càr Dăk Nông yal, broă bơyai lơh pơrjum dunia bè rơgồng bơnơm ồs là tŭ niam nàng càr in yal tơnggit rùp hin kông viên điạ cất gùt plai ù UNESCO Dăk Nông tus mờ gơp bơyô dunia. Do kung là tŭ nàng càr tơnguh broă kơlôi sơnơng jak chài bè rơgồng bơnơm ồs, pơgồp bơnah prap gàr mờ ngui geh cồng nha ală phan niam chài lời wơl geh bơta kuơ dunia bơh càr dê.

Cau mblàng K’Duẩn