VOV4.K’ho- Drim ngai 09/06, tàm Hà Nội geh lơh dơ̆ tơn jơh mờ jàu khà jờng dơ̆ pơrlòng cih “ală krơh pơndềt să mơya dờng màng ngan” dơ̆ 13 (tơngai bơh nam 2021- 2022) bơh Ƀăo Mpồl ling klàng làng bol; Vụ Sră ƀăo- Lĭp sră (Ƀan Tuyên giáo Dà lơgar) pơgồp bal bơyai lơh. Mpồl bơyai lơh neh sac rwah 19 jơnau cih jak ngan rlau jơh nàng jàu khà jờng. Dơ̆ pơrlòng geh lam lơh bơh nhai 6 nam 2021 tus jơh nhai 4 nam 2022. Mpồl bơyai lơh neh dờp geh rlau 200 jơnau cih pơyua pơrlòng tàm ală bơta sră ƀăo.

Ƀăo Mpồl ling klàng làng bol neh rwah pơnđàng tàm ală pang ƀăo bơh 146 jơnau cih niam ngan dê, tàm hơ̆ Mpồl bơyai lơh neh rwah geh 19 jơnau cih jak ngan rlau jơh nàng jàu khà, geh: 2 khà dùl, 3 khà 3, 4 khà 3 mờ 10 khà pơn jờng. Phó Củ ñiệm Tổng kụk Cíñ trị Mpồl ling klàng làng bol Việt Nam, Kwang ătbồ Mpồl bơyai lơh dơ̆ pơrlòng ồng Trịnh Văn Quyết pà gĭt, ală jơnau cih kung neh đơs jơh, yal tơngĭt uă mờng chài niam, jơnau bơsram kwơmàng tàm broă tàp lơh, bơsram sră, đòm jăt bồ tơngoh, nùs nhơm, rài kis mờ broă lơh Hồ Chí Minh dê.

Cau mblàng Lơ Mu K’Yến