VOV4.K’ho- Tơnơ̆ 2 ngai geh lơh duh hồl, mho ngai 20/05, tàm ƀòn dờng Kon Tum geh lơh Dơ̆ tơn jơh mờ jàu khà jờng Dơ̆ pơrlòng “Kơnòm dềt mblàng yal yal tơngĭt sră” nam 2022.

Jàu 2 khà jờng ơm khà dùl dơ̆ pơrlòng

Dơ̆ pơrlòng “Kơnòm dềt mblàng yal yal tơngĭt sră” nam 2022 bơh Sở Văn hoá, Thể thao mờ Zu lịc càr Kon Tum bơyai lơh gơhòi gơ jà mờr 80 nă kơnòm bơsram tus bơh ală hìu bơsram mầm non, kâp dùl mờ kâp bàr tàm càr tus bal. Tàm 2 ngai geh lơh dơ̆ pơrlòng, ală kơnòm dềt neh tơngŏ bơta pràn jak mblàng yal, yal tơngĭt sră bơh he dê bơh rlau 40 jơnau yal yau niam ngan. Pơnrơ là ală jơnau yal yau, krơh cau niam broă niam, jơnau yal bè mè mờ wa Hồ kờñ gơboh. Tơn jơh dơ̆ pơrlòng, Mpồl bơyai lơh pà phan ƀàn ai 41 nă cau dùl nă să mờ 10 mpồl cau lơh geh cồng nha jak ngan in.

Cau mblàng Lơ Mu K’Yến