VOV4.K’ho- Dơ̆ sơn đờm SEA Games 31 geh bơyai lơh tàm ƀlàng coh plai Mỹ Đình tàm mang ngai 12 nhai 5. Jơh ală vè mŭt sền sơn đờm mờ tơn jơh, dơ̆ pơrlòng dŭ ndơl mờ pơrlòng gai lòng lơngô môn coh plai cau klao SEA Games 31 geh gơnoar atbồ bơh mpồl bơyai lơh SEA Gemas ai.

Jăt mờ hơ̆, mpồl bơyai lơh geh ờ tăc vé dơ̆ sơn đờm, mìng jào pà di pơgăp 20 rơbô pang vé jà ală kwang bàng, cau tàp pràn să jan, mpồl tàp pràn să jan ală lơgar tus tàm ƀlàng coh plai Mỹ Đình tus bal sền. Dơ̆ sơn đờm SEA Games 31 geh lơh tàm 120 tàm ƀlàng coh plai Mỹ Đình. Jăt jơnau geh ai lài, tơnơ̆ mờ dơ̆ lòt bơh 11 mpồl tàp pràn să jan, kờp dŭ Thủ tướng Cíñ phủ ồng Phạm Bình Minh geh jơnau đơs tàm dơ̆ sơn đờm SEA Games 31. Mpồl bơyai lơh neh tơlik bơta pơrlòng, sră bơto sồr, tơngai pơrlòng bơh ală môn; dờp jơnau dan bơh 7 rơbô 878 nă kwang bàng, huấn luyện viên, cau pơrlòng bơh 11 lơgar; jà 1 rơbô 299 nă trọng tài, cau sền gròi, kwang bàng kỹ thuật dunia; 2 rơbô 502 nă cau ai jơnau tơngit sră ƀăo tàm lơgar mờ lơgar bơdìh; ai 31 hìu năc ơm lơh hìu ơm ală mpồl tàp pràn să jan in...

Cau mblàng Ndong Brawl