VOV4.K’ho- Di tơngkah kir sơnrai 132 nam Ngai deh Củ tịc Hồ Chí Minh mờ tơngkah 35 nam mpồl UNESCO jờng rơ mat Củ tịc Hồ Chí Minh là Cau ling khin cha jak chài tơngklàs jơi bơtiàn, Cau niam chài jak ngan, tàm ƀlàng coh plai Ƀòn Sen, xã Kim Liên, kơnhoàl Nam Đàn, Ủy ƀan Ñân zân càr Nghệ An pơgồp bal mờ Ƀộ Văn hóa, Thể thao mờ Zu lịc bơyai mut lơh Chờ ƀòn Sen mờ pơrlòng Tuồng mờ đơs pơnđik lơh lèu gùt lơgar nam 2022.

Ala mat ală ƀộ, mpồl, gah broă lơh, anih lơh broă dà lơgar, kwang đơng lam bồ càr Nghệ An mờ mờr 1 rbô nă cau chài, cau pơrlòng tàp pràn să jan, ală oh dềt mờ gal ngan làng bol tus bal. Tàm dơ̆ mut lơh chờ Ƀòn Sen, ală kwang bàng, làng bol tàm càr mờ nac nhơl chờ neh geh sền broă lơh đơs crih tamya niam ngan “Bác Hồ là bơta pin dờn jat pha” bal mờ ală jơnau đơs crih tamya bơrlŭ bal, jờng rơ Bác Hồ, jờng rơ Đảng mờ nùs nhơm kờñ gơboh ƀòn lơgar, dà lơgar.

Cau mblàng K’Duẩn