VOV4.K’ho - Di tơnkah 110 nam ngai deh (1912 - 2022) mờ 78 nam ngai chơ̆t ƀồc ồng Tô Hiệu (1944 - 2022), tàm tiah tềl kah yau dà lơgar kwơ màng Hìu jàm Sơn la, Ƀảo tàng càr Sơn La neh bơyai lơh ràng tơlik rùp “Nùs nhơm Tô Hiệu”.

                   Ràng tơlik rùp “Nùs nhơm Tô Hiệu” tơnkah 110 nam ngai deh ƀồc ồng Tô Hiệu

Dơ̆ ràng tơlik geh bơyai lơh bơh ngai 01 nhai 3 tus ngai 31 nhai 12 nam 2022. Ràng tơlik geh 100 pang rùp geh ràng tàm 15 pano tơlik hờ bơdìh. Ală pang rùp geh ràng tơlik jăt 3 tơngu me: Ƀòn lơgar; Tô Hiệu-Nùs nhơm mờ bồ tơngoh kăc màng; àng gơcrà sùm nùs nhơm Tô Hiệu. Dơ̆ ràng tơlik rùp do neh pơgồp bal tàm broă lơh loh nùs nhơm kơ̆ dơn cíñ trị pràn kơl dang, nùs nhơm niam kăc màng, lơh broă niam, nùs nhơm phi să tài bơta kwơ kăc màng, sùm đềt mềr mờ ală kwang bàng, làng bol là nùs nhơm geh gŏ niam ngan bơh cau ling chơ̆t phi să Tô Hiệu dê. Mờ ai tơngŏ broă lơh dờng màng bal mờ nùs nhơm niam lam lài bơh ƀồc ồng Tô Hiệu dê, là cau lam lài nàng ală rơnàng kơnòm să đờm jăt bal, pơgồp bal tàm broă bơto bơtê bơhiàn niam bơnĕ bơh mò ồng lài do dê.

Cau mblàng Ndong Brawl