VOV4.K’ho- Jơnau yal “Tài dùl Đông Nam Á pràn kơldang rlau” dơ̆ sơnđờm mut lơh dơ̆ tàm pơrlòng Sea Games 31 geh bơyai lơh tàm tŭ 8 jiơ mang do ngai 12/05, tàm ƀlàng coh plai dà lơgar Mỹ Đình mờ tơngume “Sòl àng tĕ- Let’s shine (kung là tơngume jơnau đơs crih tờm bơh Sea Games 31 dê) là bơta kơ̆p kờñ ràng tơlik bơta pràn tàm bơta ring bal mờ krơi is bơh bơta niam chài rơ gơi ală lơgar Đông Nam Á dê; hòi jà bơta tam klăc bal, tam pà bal nàng lơh gơlik geh dùl mpồl bơtiàn kơ̆ kơljap tàm tơngai dunia gam ơm tềng đap ală bơta tam gơl mờ bơta lòng dờng ngan.

Dơ̆ lam lơh ràng tơlik lài dơ̆ sơn đờm mut lơh tàm pơrlòng Sea Games 31

Broă lơh sơnđờm mut lơh dơ̆ tàm pơrlòng geh bơyai lơh dơ̆ lòt pơdar tàm gùng, dơ̆ yồng bùng bi Việt Nam mờ đơs jơnau đơs crih Quôk ka, yồng bung bi Đông Nam Á mờ Sea Games 31. Tơnơ̆ dơ̆ sơnđờm mut lơh dơ̆ pơrlòng, 11 nă cau tàm pơrlòng geh wă rò sơm pòl ồs mờ sòl pơnđàng tàm anih sơm pòl ồs Sea Games 31 dê.

Dơ̆ lam lơh ràng tơlik lài dơ̆ sơn đờm mut lơh tàm pơrlòng Sea Games 31

Dơ̆ sơnđờm mut lơh dơ̆ tàm pơrlòng geh  pơgồp bơnah lơh geh ală rùp hin niam ngan rlau jơh bè dùl Việt Nam gơ hòi gơ jà, rềp mềr, kờñ gơboh năc, bal mờ ală lơgar ASEAN ndai àng gơ crà bal, pràn kơl dang rlau tai tơnơ̆ kòp dờng Kovid-19 bơh 3 bơnah ràng tơlik. Bơnah 1: “Việt Nam rềp mềr”. Bơnah 2: “Đông Nam Á pràn kơl dang”. Bơnah 3 “Đông Nam Á àng gơ crà”.

Cau mblàng K’Hạnh