VOV4.K’ho - Drim òr (14/06), tàm ƀlàng coh plai càr Kon Tum tàm ƀòn dờng Kon Tum neh bơyai lơh dơ̆ sơn đờm pơrlòng tàp pràn să jan càr Kon Tum dơ̆ 7 nam 2022.

                               Wă rò rùp Bác Hồ tàm dơ̆ sơn đờm pơrlòng tàp pràn să jan

Geh bơyai lơh tàm 7 ngai, bơh ngai do 15 nhai 6 tus ngai 20 nhai 6, dơ̆ pơrlòng tàp pràn să jan càr Kon Tum dơ̆ 7 nam 2022 geh 30 mpồl mờ 2 rơbô 600 nă kwang bàng, cau pơlam mờ cau pơrlòng tus bal. Tàm dơ̆ pơrlòng, ală cau pơrlòng geh pơrlòng tàm 18 môn geh 136 nơm gai lòng. Lài mờ tŭ sơn đờm dơ̆ pơrlòng neh geh 10 môn geh bơyai lơh pơrlòng lài, tàm hơ̆ geh: plai kƀàng, plai tơnò, kờ vua, kờ tướng, re dà, ntoăt, coh plai cau klao, karate, taekwondo mờ yoga. Ồng Nguyễn Xuân Truyền, Phó kwang atbồ Sở Văn hoá, Thể thao mờ Zu lịc, Phó kwang atbồ Mpồl bơyai lơh pơrlòng tàp pràn să jan càr Kon Tum dơ̆ 7 nam 2022 pà git, di lah pơn drờm mờ dơ̆ bơyai lơh lài, dơ̆ pơrlòng do geh gơguh niam jơh bè khà môn tàm pơrlòng mờ khà cau tus bal pơrlòng.

Cau mblàng Ndong Brawl