VOV4.K’ho- Mờ tơngume “Trường Sơn Tây Nguyên- Tam klăc, rài kis niam chài is mờ bơtàu tơnguh”, mang ngai 16/03, tàm ƀlàng dờng anih tờm kơnhoàl Kon Plông, càr Kon Tum, geh lơh Dơ̆ sơnđờm lơh Dơ̆ pơrlòng lơh bơta niam chài ală jơi bơtiàn kòn cau tiah bơnơm Trường Sơn mờ Tây Nguyên pờ ơnàng dơ̆ III nam 2022.

Tus bal Pơrlòng dơ̆ do geh rlau 600 nă cau chài, cau đơs crih tam ya ală jơi bơtiàn kòn cau bơh 19 càr mờ ƀòn dờng tàm gùt lơgar. Geh lơh tàm 4 ngai, bơh ngai 16- 19/03, Pơrlòng geh lơh ală broă lơh, bè: Lơh ai cau in sền ală yal yau, jơnau nhơl tàm rài kis niam chài pin dờn, dơ̆ lơh chờ, ală broă lơh đơs pơnđik, tam ya, soh phan kòn cau, đờng goòng kòn cau ờs mờng bơh yau, cing mồng Tây Nguyên mờ ală broă lơh tàp pràn să jan, rài kis niam chài trŭ gơm phan sa nàng kờñ prăp gàr, bơto yal mờ ngui niam ală bơta kwơ phan lời wơl niam chài ờ di mờ phan bơna, bơhiàn mờng kwèng, dơ̆ lơh chờ ờs mờng bơh yau...bơh mpồl bơtiàn ală jơi bơtiàn kòn cau tiah kơh bơnơm Trường Sơn- Tây Nguyên mờ ala măt bàr pe jơi bơtiàn kòn cau oh mi tàm gùt lơgar.

Cau mblàng Lơ Mu K’Yến