VOV4.K’ho- Mang ngai 11/01, tàm ƀòn dờng Buôn Ma Thuột, càr Dăk Lăk, Tổng Kụk Tàp pràn să jan, Mpồl Plai kơƀàng Việt Nam pơgồp bal mờ Ủy ƀan Ñân zân càr Dăk Lăk bơyai lơh dơ̆ sơnđờm mŭt lơh Dơ̆ pơrlòng jak ngan ală mpồl nhơl plai kơƀàng dà lơgar nam 2021. Dơ̆ pơrlòng geh lơh bơh mang ngai 11/01/2022 tus jơh ngai 15/01/2022.

Dơ̆ pơrlòng nam do geh 152 nă cau bơh 22 mpồl nhơl plai kơƀàng tàm 10 càr mờ ƀòn dờng geh srơh nhơl plai kơƀàng bơtàu tơnguh ngan, bè: Hà Nội, ƀòn dờng Hồ Chí Minh, Đà Nẵng, Hải Dương, Hải Phòng, Khánh Hòa, Lâm Đồng, Nghệ An, Bình Dương mờ càr drơng lơh là Dăk Lăk. Ală cau pơrlòng geh tàm pơrlòng jak tàm 14 nơm gai lòng tàm ală tơngume, bè: Mpồl cau klau, mpồl cau ùr, yô klau, yô ùr, dùl nă cau klau, dùl nă cau ùr. Jăt Mpồl bơyai lơh yal, do là dơ̆ pơrlòng gơ ơm tàm ală dơ̆ pơrlòng nhơl plai kơƀàng dà lơgar, bơh dơ̆ pơrlòng do, Mpồl nhơl plai kơƀàng Việt Nam geh săc rwah ală cau pơrlòng jak ngan nàng pơn jăt tai bơto bơtê, tề lam, bơtơl tàm ală mpồl bơh mpồl pơrlòng nhơl plai kơƀàng dà lơgar dê.

Cau mblàng Lơ Mu K’Yến