VOV4.K’ho- Drim ngai 26/04, tàm Tiah tơrgùm bal tàp pràn să jan Kwang àng càr Kon Tum dê geh lơh Dơ̆ sơnđờm mŭt lơh Dơ̆ pơrlòng khà jờng quần vợt Cau klau- Cau ùr dà lơgar jak ngan Kŭp kơnuh sơnơm Ngọc Linh K5 nam 2022.

Rwah anih tàm pơrlòng dơ̆ sơnrờp đah bi Nguyễn Tâm Đăng (mpồl quần vợt mpồl ling dê mờ bi Trần Quang (mpồl càr Kon Tum) dê

Do là dơ̆ sơnrờp càr Kon Tum mơkung là càr bơh sơnrờp tàm tiah Tây Nguyên dê drơng lơh dơ̆ pơrlong khà jờng do. Geh lơh tàm 7 ngai, bơh ngai 26/04 tus ngai 02/05, Dơ̆ pơrlòng khà jờng jak ngan Cau klau- Cau ùr dà lơgar Kŭp kơnuh sơnơm Ngọc Linh Kon Tum K5 nam 2022 geh 140 nă cau pơrlòng tàp pràn să jan khà dùl lơgar Việt Nam dê mờ ală cau nhơl môn quần vợt là cau Việt Nam kis tàm lơgar ndai tus bal.

Dơ̆ pơrlòng geh 5 tơngume tàm pơrlòng, geh: dùl nă cau klau, dùl nă cau ùr, yô klau, yô ùr mờ yô klau mờ ùr. Tơl nă cau pơrlòng môn quần vợt geh gơnoar tàm pơrlòng uă ngan là 2 tơngume mờ ală tơngume yô geh ai gơnoar tơrgùm bal ală mpồl. Kwang ătbồ Mpồl bơyai lơh khà jờng pà gĭt, khà jờng geh lơh nàng kờñ ai tơl bơta ai ală cau pơrlòng tàp pràn să jan in sơlơ tàm pơrlòng lơh geh cồng nha uă mờ rơcăng ai Sea Games dơ̆ 31 in.

Cau mblàng Lơ Mu K’Yến