VOV4.K’ho- Tàm tiah nhơl chờ ƀòn brê bơnơm Kolia, xã Thành Công, kơnhoàl Thăng Bình, càr Cao Bằng- Mpồl Văn họk Đơs crih tam ya ală jơi bơtiàn kòn cau Việt Nam bơyai lơh Sàl bơceh cih Văn họk đơs crih tam ya ală jơi bơtiàn kòn cau Việt Nam nam 2022.

Sơnđờm mŭt lơh Sàl bơceh cih Văn họk Đơs crih tam ya ală jơi bơtiàn kòn cau

Tus bal Sàl bơceh cih Văn họk Đơs crih tam ya ală jơi bơtiàn kòn cau Việt Nam nam do geh 32 mpồl gơwèt Mpồl Văn họk Đơs crih tam ya ală jơi bơtiàn kòn cau bơh 13 càr mờ ƀòn dờng tiah đah tô dà lơgar, hơ̆ là: Phú Thọ, Cao Bằng, Hà Nội, Lạng Sơn, Tuyên Quang, Bắc Kạn, Hòa Bình, Quảng Ninh, Thanh Hóa, Hà Giang, Yên Bái, Thái Nguyên mờ Bắc Ninh. Tàm tơngai bơh ngai 04/04 tus ngai 12/04, ală Mpồl cribơyai bè ală tơngume bơceh cih jăt ală bơta, bè: Văn họk, Wăc mòn rùp, Cùp rùp, Gùng đơs crih, Jăt tàm sră pơ àr sền swì, Đơs crih tam ya bơh yau. Ală mpồl tus bal Sàl geh lòt ngan ngồn bơceh cih tàm ală kơnhoàl: Nguyên Bình, Trùng Khánh, Hà Quảng.

Cau mblàng Lơ Mu K’Yến