VOV4.K’ho- Mang òr (19/04), Ngai chờ Niam chài rơgơi ală jơi bơtiàn kòn cau càr Gia Lai dơ̆ sơnrờp nam 2022, neh sơn đờm lơh tàm ƀlàng dờng Đại Đoàn Kết, ƀòn dờng Pleiku.

                           Sơnđờm ngai chờ Niam chài rơgơi ală jơi bơtiàn kòn cau càr Gia Lai

Geh bơyai lơh tàm bàr ngai, bơh ngai 19 tus 20 nhai 04, ngai chờ Niam chài rơgơi ală jơi bơtiàn kòn cau càr Gia Lai dơ̆ sơnrờp nam 2022 geh broă tus bal bơh mờr 800 nă cau chài, kwang bàng, kông cứk, ală jơi bơtiàn kòn cau tàm jơh 16 kơnhoàl, thị xã, ƀòn dờng tàm càr. Ngai chờ là dùl tàm ală broă lơh pơgồp bal tàm broă prăp gàr, tơnguh ală bơta kwơ niam chài rơgơi ờs mờng bơh làng bol ală kòn cau kis tàm càr Gia Lai dê; chờ gờm ngai Niam chài rơgơi ală jơi bơtiàn kòn cau Việt Nam (19/04); tơnkah 47 nam ngai tơnklàs đah jum, dà lơgar tơrgùm bal mờ 90 nam ngai crơng gơs càr Gia Lai. Ngai chờ Niam chài rơgơi ală jơi bơtiàn kòn cau càr Gia Lai kung là dơ̆ nàng làng bol ală kòn cau tàm càr tìp bal, cri bơyai bal broă mờng chài mờ tơnguh nùs nhơm tam klăc bal.

Cau mblàng Ndong Brawl