VOV4.K’ho- Mho ngai 05/05, tàm ƀòn dờng Hồ Chí Minh geh lơh Dơ̆ kĭ hơ lơh broă bal “Fado Go lòt bal mờ V Gaming ătbồ Sea Games 31 nam 2022”. Jăt mờ hơ̆ Fado Go geh dong kờl 2 mpồl tàm pơrlòng E- Sport (tàp pràn să jan điện tử) bè đah mblàng yal jơnau mờ ală phan bơna phan pà bơh ală mpồl tàm pơrlòng E- Sport dê lơh geh cồng nha jơnhoa tàm dơ̆ tàm pơrlòng.

Lơh broă bal đah 2 gah kung ai tơl ală bơta ai cau ngui in gĭt blơi ală pang ƀăo bơh mpồl tàm pơrlòng E- Sport dê bơh ală mpồl lơh broă bơh Fado Go dê. Bơdìh hơ̆ tai, Fado Go hơ geh bơcri priă jền nàng lơh pràn mpồl bơtiàn cau kờñ mpồl tàm pơrlòng E- Sport, dong gah E- Sport bơtàu tơnguh niam mờ kơ̆ kơl jăp.

Tŭ do, bơta pràn bơh tàp pràn să jan điện tử dê uă ngan den tàng broă lòt bal mờ ală mpồl tàm pơrlòng kung geh pơgồp bơnah dong gah broă lơh E- Sport tus rềp rlau mờ cau sền in mờ lơh geh bơnàng jă bơtàu tơnguh kơ̆ kơl jăp tàm tơngai tơnơ̆. Tềng đăp măt, bơh lơh broă bal dơ̆ do, đah cau dong kờl kơ̆p kờñ gơtùi dong Việt Nam tơnguh bơta tơl pràn lơh geh gai lòng biàng tàm Sea Games geh bơyai lơh tàm lơgar he dê tơn.

Cau mblàng Lơ Mu K’Yến