VOV4.K’ho- Mang ngai 19/06, Thàñ Đoàn Đà Nẵng pơgồp bal mờ Câu lạc ƀộ Tsubasa (Mpồl tam klăc Ơruh pơnu ƀòn dờng) bơyai lơh “Dơ̆ lơh chờ tìp mat lơh kwèng niam chài Việt Nam mờ Nhờk, Tsubasa Matsuri nam 2022” gơ hòi gơ jà mờr 700 nă ơruh pơnu, cau bơsram dờng tàm ală hìu bơsram Cao đẳng mờ Đại họk tàm ù tiah ƀòn dờng dê tus bal. Do là broă lơh di dơ̆ tơngkah kir sơnrai 50 nam lơh gĭt gơ̆p lơh broă bal Việt Nam mờ Nhờk.

Thàñ Đoàn Đà Nẵng bơyai lơh “Dơ̆ chờ tìp mat lơh kwèng niam chài Việt Nam mờ Nhờk”  

Dơ̆ lơh chờ tìp mat lơh kwèng niam chài Việt Nam mờ Nhờk neh ràng tơlik wơl niam ngan ù tiah niam chài mùl gŏ bơh lơgar Nhờk dê, ràng tơlik mờ ràng tơlik Ù tiah niam chài hùc dà cê lơgar Nhờk, bơta chài sơklấp pơ àr Origami, tiah ràng tơlik jơnau rùp Nhờk, ràng tơlik phan soh bơhiàn yau Việt Nam mờ Nhờk, ală broă nhơl ñŏ bơh yau mờ pơrlòng đơs crih tam ya tàm ală mpồl. Thàñ Đoàn Đà Nẵng pà gĭt: bơh broă lơh do dong ală gơ̆p bơyô kơnòm să gĭt wă rlau tai bè bơta niam bơnĕ niam chài Nhờk dê, geh tiah bơsram jơnau đơs, bơh hơ̆ geh gơ gơs rbàng tơrbŏ bal đah Nhờk mờ Việt Nam.

Cau mblàng K’Hạnh