VOV4.K’ho- Tơnơ̆ 4 ngai geh lơh uă broă lơh duh hồl, tàm tiah nhơl chờ brê bơnơm dà lơgar Măng Đen, thị trấn Măng Đen, kơnhoàl Kon Plông, càr Kon Tum neh geh bơyai lơh dơ̆ tơn jơh pơrlòng ràng tơlik niam chài bơh jŏ ală jơi bơtiàn kòn cau tiah Trường Sơn- Tây Nguyên rề ơnàng dơ̆ 3 nam 2022. Tàm dơ̆ pơrlòng geh mờr 100 jơnau ràng tơlik, 19 blah phan soh, 19 sơlàu pơ dơng phan ờs mờng... bơh bơta chài rơgơi bơh ală nghệ ñân jơh nùs ngan geh ràng tơlik, rơndap sap sèng mờ bơceh mờ jơh nùs tồr he dê.

Ồng Nguyễn Công Trung, Phó Kwang atbồ Kụk Văn hoá kấp hơđơm- Gơ wèt Ƀộ Văn hóa, Thể thao mờ Zu lịc pà git, bal mờ cồng nha bal, pơrlòng dơ̆ do gam geh gơtha kuơmàng ngan tàm broă prap gàr,  bơtàu tơnguh ală bơta kuơ niam chài bơh jŏ. Tàm mang tơn jơh, Mpồl bơyai lơh pơrlòng neh jàu pà Ƀằng khen mờ bồng bi kir sơnrai ai 19 mpồl bal neh geh uă tă pơgồp ai dơ̆ pơrlòng in mờ uă khà jờng ndai.

Cau mblàng K’Duẩn