VOV4.K’ho- Drim ngai (15/3), sơnơm vaccine dơ̆ 2 bơh Việt Nam dê lơh gơlik geh ngan ngồn cĭt tơrlòng lài bơh sơn rờp tơngai dơ̆ 1. Do là sơnơm vaccine Covivac bơh Công ty vaccine mờ sinh phẩm y tế Nha Trang (IVAC). Broă cĭt tơrlòng lài geh bơh IVAC pơgồp bal mờ Hìu bơsram Đại học Y Hà Nội mờ Viện Vệ sinh dịch tễ dà lơgar dê lơh.

Kờp dŭ tơngai dơ̆ 1 geh cĭt tơrlòng lài ai rlau 120 nă cau tus bal is pràn kơl dang să jan sơnam bơh 18 tus 75, tàm pà gơs 5 mpồl. Tàm hơ̆ 4 mpồl geh ngui ală ding sơnơm vaccine 1mcg (micrôgam), 3mcg, 10mcg mờ 1mcg geh bơtơl tá dược. Dùl mpồl geh cĭt sơ nơm vaccine ờ ngan nàng geh bơta tàm pơn ndrờm bal mờ 4 mpồl cĭt do. Tơl nă cau tus bal is geh cĭt 2 ding, jŏ pơgap 28 ngai. Lài mờ tŭ cĭt tơr lòng lài bơh sơn rờp, cồng nha cĭt tơr lòng lài tàm phan poan jơng mờ tàm cơl dŭ thí nghiệm lơh geh cồng nha niam mờ ờ do ờ dă, geh bơta pràn ờ bơtÀp kòp mờ geh pràn sền gàr.

Cau mblàng K’ Hạnh