VOV4.Mnông - Chiăt ok nsiap ntô lah du nău ji chiăt ntô jêr bah, mô ntưp rêng, geh tât nkô̆ nău ntưp rêng n’hanh trong chŏl nău ji bah săk. Aƀaơ mô hŏ geh dak si săm bah lĕ nău ji aơ, nău săm knŭng gay n’hŭch chiăt môr n’hanh uănh nđôi nu nău hao sinh tế bào ntô, nking n’hanh n’hanh n’hŭch dŭt n’hâm ăp nău n’glơi bah nău ji ƀư.

VOV4.M'NÔNG - Ăp nar rlău aơ, n’gor Dak  Lak năl geh mbro 4 kon se ntưp ji luh mê gŭr, n’hao lĕ rngôch rnoh nuĭh ji luh mê gŭr tâm năm aơ hao 5 nuĭh. Gay nking nchăng nău ntưp rêng bah ji luh mê gŭr, n’gâng kan dak si dôl ndăn ngăch ôp uănh nuh srê n’hanh chuh ntop, chuh ntêr vắc-xin njrăng n’gang ji luh mê gŭr an kon se.

VOV4.M'NÔNG - Tĭng nău mbơh bah Ntŭk rgum mât kân kop ji (CDC) n’gor Dak Lak, ta n’gor mhe năl geh du đêt tơm nuh srê ji luh mê gŭr ta nkuâl Cư Kuin.

VOV4.Mnông - Lăp yan mih, kop ji viêm não Nhật Bản way hao âk tâm lam dak, ngăn lah ăp n’gor mpeh Bắc. Aơ lah nău ji tâm ntưp rêng tă bah ta n’gul rêng ntưp ji lah măch. Yor nê, ta ăp rnôk tâm năm geh trôk nar dơh an măch deh n’hanh hun hao ri nĕ lah yan srê viêm nao Nhật Bản. Ăp nar dăch aơ, Ngih dak si Nhi Trung ương wơh dơn âk kon se ji ntưp viêm não Nhật Bản lăp săm. Yơn lah, nău nchroh, saơ n’hanh tât ngih dak si mbrơi lĕ ƀư kon se mâp ăp nău ji jêr bah.

VOV4.M'nông:Kêng măng 5/7, ta Ngih rƀŭn Thiếu Nhi nkuăl ƀon têh Pleiku, Rnâng kan ƀư Ntrong hăn Gur Trung ương tâm rgop nsum ma Rnâng kan rgŏ jă yur mham kơl an Trung ương tâm rgop nsum ma Rnâng kan rđau nau yur mham kơl an bah n’gor Gia Lai ƀư nau ntơm pơk nau kan Ntrong hăn gur tal IX ndrel rnê ryơk ăp nŭih yurr mham kơl an ntoh lư năm 2024.

VOV4.Mnông - Srê duh rtoh luh mham rih ta Tây Nguyên dôl geh dŭt n’hâm jêr jŏt. Ta Gia Lai, lĕ geh bơi 600 nuĭh ntưp bah bôk năm tât aƀaơ. N’gor Dak Lak lĕ djôt dơn rlău 400 nuĭh ji duh rtoh luh mham rih, ta 15/15 nkuăl, nkual têh, nkual ƀon têh. Gay uănh nđôi srê, nău kan dak si ăp n’gor Tây Nguyên lĕ n’hao ăp trong njrăng n’gang mô an ji ntưp rêh hvi.

VOV4.M'nông: Rơh rlau aơ, ntŭk kan dak si n’gor Dak Lak hŏ nsôih ƀư ueh nau ntrơn rgâl mrô tâm nau kan khám, săm ji, rgop nau huch nar kâp khám bah nŭih ji, huch nau jâk ân nŭih nai dak si.

VOV4.M’nông - Rnôk nkoch tât rek săm, bu vay ntô̆ n’hao tât nau kan bah nai dai si rek, yơn ân geh nau dơi bah rnôk rek săm, nau rek săm ân geh nau nsôih bah âk ngăn nŭih nai dak si, tâm nê geh nai dak si ƀư nau kan gây mê ndaka n’hâm soan, ăp nŭih tât ơm ngăn ndrel luh la ngăn tâm ăp rnôk rek săm.

VOV4.Mnông - Mhe rlău, ta Cần Thơ, Rmôt kan Tim mạch học Việt Nam tâm rgop đah Ngih dak si Ngih sam ƀŭt Đại học Y Dược Cần Thơ, Ngih dak si Đa khoa Trung ương Cần Thờ n’hanh Ngih dak si Tim mạch nkual ƀon têh Cần Thơ ƀư rƀŭn nchră Hao huyết áp Việt Nam rơh tal 6. Rƀŭn nchră ndơ̆ an nău mbơh nĕ mpeh rnoh hao huyết áp ta nuĭh rlău 18 năm deh bah dak he dôl hao, khuch tât săk soan nuĭh ƀon lan.

VOV4.M'nông - Nau ji sôt ndâng tâm rngok lah nau ji ntưp kman tâm rngok yor du đê̆ ntil kman lơh, lah du nau ji khuch tâm bôk rngok, geh tâm lôch năm. Aơ lah nau ji âk ngăn tâm bu têh ndrel kon se, lah mô geh saơ ndrel săm năn ri mra khuch ngăn, kơt: Khuch tâm rngok, rngo ndâng dak, pŭn tâm rngok, geh ndâng tâm rngok...Ma khuch lơn lah nau ji mra khĭt yor mô dăng sŏ n’hâm, môr rngok.