VOV.Mnông: Lơ 3/6, Ngih dak si têh Tây Nguyên n’hanh Công ty TNHH Gene Solutions Lab mbra ký tâm ton nău kah gĭt mbơh ƀư bôk nău kan “Ntŭk rêh jêng xét nghiệm NIPT an nuĭh bŭn, n’hao rnoh ueh dăng nuĭh ƀon lan Việt Nam.

VOV4.M’nông - Trôk nar m’ha m’hanh lah nău dơh an ăp ntĭl kaman, kamun ƀư ji deh n’hanh hun hao, ngăn lah ta ndơ sa. Đah kon se, nôk ji trong proch hôm e nse, dơh ntưp ji ndŭl djroh lah sa ndơ sa, ndơ ngêt mô đăp mpăn, geh ntưp kaman. Ji ndŭl djroh kơt dơh yơn lah mô dơi nchroh n’hanh săm ngăch dơi ƀư ăp nău rgâl klach khuch tât săk soan n’hanh nău rêh bah kon se. Yor nê, me bơ̆ an gĭt ơm ngăn nău saơ kon se geh ji ndŭl djroh, mât uănh, mkra di trong gay njrăng n’gang ji jêng mbăn. Nău lah ngăn ta n’gor Dak Lak.

VOV4.M’nông - Brŭt ndrăng du gâl lah du ntil ji brŭt ndrăng hô ngăn, n’glơi an âk nău khuch hô đah săk soan nuĭh ntưp ji. Aơ lah nău ji an săm ƀa ƀơ, lôch nău rêh yơn nău rwê lah aƀaơ geh dŭt âk nuĭh ji mô tĭng săm, ƀư ji mô đăp mpăn ma hôm ntoh plơ̆ tay âk rơh ƀư mbăn hô tay ăp nău ji bah nuĭh ji. Aơ lah djôt dơn bah rmôt nchih nkô̆ way nkoch ta Ngih dak si brŭt ndrăng n’gor Dak Lak mpeh nu nău aơ.

VOV4.M’nông - Ăp nar bah năp, rnoh nuĭh ntưp luh mê gŭr ta Dak Lak na nao hao, âk kon se jêt lăp ngih dak si tâm nău mbăn, đê̆ đŏng geh nău rgâl klach. Ta lam dak, srê ji luh mê gŭr dôl rgâl jêr jŏt. Ta năp nu nău aơ, N’gâng kan dak si lĕ geh sam ƀŭt mbơh ngăch đă ăp ngih dak si nchrăp nu nău nuĭh ji luh mê gŭr, nuĭh mbăn hao.

VOV4.M’nông - Bảo hiểm y tế lah ntil bảo hiểm mât uănh săk soan yor Ngih dak ƀư, tĭng ƀư, mô yor nău ŭch geh êng. Aơ lah nău kơl khlay tâm trong đăp mpăn nău rêh jêng. Lơ 27/11/2024, Luật nkra rgâl, ntop tay du đêt điều bah Luật Bảo hiểm y tế năm 2024 na nê̆ dơi Quốc hội mbơh an n’hanh geh tam dŏng bah lơ 1/7/2025 lĕ jêng njoat mhe têh tâm nău rgâl trong mât uănh săk soan lam ƀon lan. Luật geh âk nău mhe uĕh, rƀŏng tât pơk hvi n’hanh rgâl nău dơi an nuĭh rwăt Bảo hiểm y tế. Bah kơi aơ nău lah bah phung nchih nkô̆ way nkoch mpeh nău ƀư râng BHYT ta n’gor Dak Lak.

VOV.M’nông - Nu nău srê luh mê gŭr tât aƀaơ mô hŏ dơi bah bôl N’gâng kan dak si lĕ rhoăt đêt nar chuh njrăng luh mê gŭr ta kon se bah dâng 6 khay an nglai bôk năp, yơn mô hŏ tât khay 6 ăp năm tâm yan hô srê jâng ty mbung n’hanh rtoh luh mham rih, rnoh nuĭh geh hao bôl mô hŏ lăp yan mih. Ta năp nu nău srê jêr jŏt, nkual ƀon têh Hồ Chí Minh dôl rdâng đah âk trong gay dêr kơt nău geh ơm “srê ntop srê” ƀư ntŭn mpet tât trong dak si.

VOV4.Mnông:Tâm bah ri aơ nơh, rnoh nuĭh ji luh mê gŭr ta Lâm Đồng hao âk ndal, đah bơi 1.000 nuĭh. Tâm nê geh bơi 700 nuĭh ntoh tâm 1 khay  aơ.

VOV4.M’nông - Hiăn lah ji tâm ntưp rêng yor kaman hiăn ƀư. Aơ lah nău ji dơi ntĭt kơt “ndơ nkhĭt nuĭh mô saơ săk” yor ji hiăn mô ƀư khĭt dâl ma way jŏ jong êng, ƀư săk djuôr mbrơi mbrơi. Nău saơ ơm ji hiăn mô knŭng kơl n’hŭch nău ntưp tâm ntŭk gŭ rêh ma hôm kơl n’hao rnoh săm bah ji. Rlơ̆ tay, lah saơ mbrơi n’hanh mô dơi săm uĕh, ji hiăn mbra geh ăp nău rgâl khuch têh tât săk soan, săk uĕh pah kan n’hanh wăng sa rnăk wâl.

VOV4.M'NÔNG- Ta n’gor Kon Tum rnoh âk nuĭh  ntưp ji luh mê gŭr hao âk ndal, n’gâng kan ta ntŭk n’hao dăng pah kan njrăng n’gang nuh srê ji luh mê gŭr

VOV4.M'NÔNG- Mpôl pah kan mbrô 5 bah Bộ Y tế tă bah wa Võ Hải Sơn, Groi Cục trưởng Cục Njrăng n’gang nău ji mhe pah kan đah Sở Y tế n’gor Gia Lai mpeh  pah kan njrăng- n’gang ji luh mê gŭr