VOV4.M’nông - Ăp năm dăch aơ, nu nău kon se têh druh ơm nar lơ hao ƀư mô đêt mê̆ bơ̆ rvê. Têh druh ndăm ơm khuch tât mô knŭng săk soan, nău hun hao săk jăn ma hôm khuch têh tât nău mĭn bah kon se. Âk mê̆ bơ̆ uănh tât, gĭt năl ơm ăp nău ntoh têh druh ơm gay ndơ̆ kon hăn but uănh, săm yơn mô đêt nuĭh mô hŏ wât kloh mpeh nău aơ, mô nking n’gang ngăch, ƀư kon se âk nău khuch.

VOV4.M'NÔNG- Rlău 300 đại biểu tât bah ăp ntŭk kan dak si lam dak mhe râng Tâm nchră khoa học dơi ƀư ta Nhih dak si Đại học Y Dược Buôn Ma Thuột, n’gor Dak Lak. Aơ lah ngoăy tâm ăp nău kan nkhêp nkah ndray 70 năm nar Nai dak si Việt Nam (27/2).

VOV4.M'nông: Ntơm bôk năm tât rnôk aơ, Ngih dak si Nhi Gia Lai ndơn bơi tât 500 kon se lăp tâm ngih dak si yor rtoh luh dak, hao âk rđil rơh aơ năm 2024. Nau aơ ƀư Khoa nau ji Nhiệt đới dôl ma âk ir nŭih lăp săm.

VOV4.M’nông -Tâm tom ndeh hôm geh ăp nar, ăp mông, ƀư roh n’ham soan, nau rêh bah âk nŭih. Nau ndơn săm ân nŭih tâm tom ndeh hĭ jêr, ma ăp nŭih tâm tom yor tă ngêt ndrănh ƀiêr ri lơn ma jêr, jâk đŏng.

VOV4.M’nông - Ăp nar aơ, nău kan dak si Dak Lak tâm nu nău “rŭn săk soan” gay đăp mpăn trong kan but uănh săm ji, săm ngăch. Bah ăp ngih dak si têh ta nkual ƀon têh Buôn Ma Thuột tât ăp ngih dak si ta ăp nkuăl, ăp ntŭk ngih dak si lĕ nchrăp rdâng đah nu nău ndal, kơl nuĭh ƀon lan geh du nău têh đăp mpăn.

VOV4.M’nông - Gay đăp mpăn ndơ ngêt sa, n’huch đêt ngăn khih ndơ ngêt sa rơh Tết Nguyên đán Ất Tỵ n’hanh yan Lễ hội Xuân năm 2025, Mpôl ntĭm rđău ăp nău kan Trung ương mpeh đăp mpăn ndơ ngêt sa lĕ ndâk njêng 5 Mpôl uănh nđôi ăp nău kan, uănh khlay mêt nđôi ta 10 n’gor, nkual ƀon têh bah gưl n’gor, nkual ƀon têh tât gưl xă, phường. Nkô̆ nău khlay mbra rgum uănh nđôi ăp ndơ ngêt sa, rmôt ndơ dŏng âk tâm rơh Tết, rgum uănh nđôi nău tĭng pháp luật ntrŭnh tâm nkra njêng tăch rgâl ndơ ngêt sa, ăp ntŭk tăch rgâl rhŏ an ngêt sa tâm rnôk uănh nđôi an na nê̆ rnoh ndơ, nău tih gay geh nkô̆ uănh năl n’hanh rmal tĭng nău ntrŭnh, Nkre, tâm rgop nkoch trêng mpeh đăp mpăn ndơ ngêt sa tâm rnôk uănh nđôi.

VOV4.M’nông - Deh kon mô tŏng khay lah ngoăy tâm âk nău chôt ndal bu ur bŭn, khuch dŭt têh tât săk soan, nău rêh bah me n’hanh oh bê. Tĭng ăp y, nai dak si sản khoa, deh kon mô tŏng khay dôl nar lơ âk tâm nău rêh mhe aƀaơ. Yor nê, ăp me bơ̆ an mĭn joi nkô̆ nău, nău ntoh n’hanh ăp trong njrăng n’gang deh mô tŏng khay gay geh nău nking n’gang đăp mpăn.

VOV4.M’nông - Tât tâm rơh Tết, mô dah yan rlu nti Ngih dak si Đa khoa nkual Tây Nguyên lŏ wơt dơn tay âk nuĭh ji lăp tâm nu nău âk sôt rmanh ta măt, ty, ndŭl, tă bah pâl pháo. Ăp ntŭk sôt bah pháo mô knŭng ƀư ji đah săk ma hôm n’glơi an klach nău mĭn, khuch hô tât nău rêh bah nuĭh rmanh n’hanh rnăk wâl.

VOV4.M'nông: Ntơm bôk khay 12, N’gâng kan dak si tâm rgop nsum ma UBND nkuăl ƀon têh Hà Nội ƀư nau rgŏ jă khlay kan Neh dak mpeh rnoh nŭih di nkah nar rnoh nŭih Việt Nam (26/12) năm 2024 đah nkô̆ “N’hao nau nâp rnoh nŭih gay neh dak nâp, rnăk vâl ueh lăng”. Gay nau kan rnoh nŭih geh tam, ntŭk kan dak si ân nsôih rklaih nau ntul rlong ndŏ luh.

VOV4.M’nông – Du hê kon se 14 năm deh ta nkuăl Ea Hleo, Dak Lak, mhe dơi săm ngăch ta Ngih dak si Đa khoa nkual Tây Nguyên jêh nău rtoh. Nuĭh ji dơi ndơ̆ lăp săm ngăch ta Ngih dak si rnôk 22 mông măng 18/12 tâm nu nău hăch mpang ty kiău, sôt ta mă ma yor pháo rtoh.