VOV4.Xơ Đăng - Rak vế, pêi pro tơdroăng ki xiâm dêi tơnêi têa ‘na mơjiâng thôn pơlê nếo, ngiâ méa dêi mâu thôn pơlê a Dak Lak hiăng ai mâu tơdroăng ki hơ’lêh hên. Châ ai tơdroăng mê, tơdrêng ƀă tơdroăng mơ’no liăn, kế tơmeăm dêi Đảng ƀă tơnêi têa, mê ối athế tối kơnôm ai tơdroăng tơrŭm cheăng, môi hiâm môi mơno dêi kuăn pơlê ƀă khu râ kăn.

VOV4.Xơ Đăng - A tơring Čư Jut, kong pơlê Dak Nông, to lâi hơnăm achê kố, hên rơpŏng kuăn pơlê mơhé cheăng kâ ôh tá ối tung rơpŏng ki hôm, mê xuân ối pleăng châ 1.000 met karê tơnêi kơnâ châ rơtal liăn vâ pro troăng kân. Mâu rơpŏng môi tuăn pleăng tơnêi ƀă tơmeăm vâ mơjiâng mâu troăng kân drô thôn pơlê, cheăm, mơjiâng xiâm kối mơnhông mơdêk.

VOV4.Xơ Đăng - Luâ 10 hơnăm tơbleăng, tơdroăng pơkâ dêi tơnêi têa mơjiâng thôn pơlê nếo châ tối hiăng pêi tiô pơkâ kân ‘’tâi tâng tŭm tơdroăng ƀă tro tiô tơdroăng ton nah’’. Ngiâ méa thôn pơlê rế ton rế lĕm, tơƀrê tung rêh ối, kơxô̆ liăn pêi lo dêi kuăn pơlê châ mơdêk.

VOV4.Xơ Đăng - Mơhnhôk pêi mâu tơdroăng cheăng “Lâp tơnêi têa rơtế ƀă mâu ngế kơtiê - ôh tá lôi ngế ki lâi pa rŏng’’ xua Ngế pro xiâm hnê ngăn Chin phuh mơhnhôk, Khu xiâm ngăn Mố đô̆i gak tơkăng kong dêi kong pơlê Dak Lak tơrŭm ƀă mâu khu râ pơkuâ cheăng tơkŭm po tơdroăng “ Rơnó Hơngui tíu tơkăng kong tơtô tiô hiâm mơno kuăn pơlê”hơnăm 2023.

VOV4.Xơ Đăng - Tung rơxông tơplâ xâ Mih, cheăm Hà Đông, tơring Đăk Đoa, kong pơlê Gia Lai cho kơpong cheăng dêi Kăch măng. Pơtối rak vế tơdroăng khên tơmôu, Kuăn pơlê cheăm Hà Đông pơtối mơ-eăm mơnhông mơjiâng dêi pơlê rế ton rế xông tơ ƀrê.

VOV4.Xơ Đăng - Mơ’nui khế 10 hơnăm 2022 pơla hdrối kố nah, drêng koh tơbâ 35 hơnăm hâi mơjiâng tơring Lâm Hà, Vi ƀan hnê ngăn kong pơlê Lâm Đồng hiăng tơkŭm po Leh tơdah xo Ƀâng kơdĕn khĕn tơring plah thôn pơlê nếo, tơdah xo Mê dai Pêi cheăng ối má pái ăm tơring kố.

VOV4.Xơ Đăng - Kơpong achê tơkăng pơla tơring Dak Mil ƀă Čư̆ Jut, cho tíu ki hên rơnâk ngo, văng, tơnêi prê, khăng khoăng, cheăm Dak Gằn cho kơpong tơnêi khăng má môi dêi kong pơlê Dak Nông. Mơ-eăm tơkâ luâ mâu tơdroăng xahpá mê, kuăn pơlê hiăng kơhnâ khât tung tơdroăng hriâm tâp, xúa khoa hok kih thuât tung pêt mơjiâng mâu hdrê loăng ki dâi lĕm.

VOV4.Xơ Đăng - Drô troăng tơkăng kong xŏn lối 2km achê ƀă péa kong têa pú hmâ Lếo - Kul dêi kong pơlê Kon Tum, ƀă tơdroăng mơ-eăm ôh tá pơtê dêi mâu khu kăn pơkuâ, kuăn pơlê ƀă mâu kăn ƀô̆ lêng mố đô̆i gak tơkăng kong, troh tâi hơnăm 2022 hiăng ai 6 to cheăm kơpêng 13 to cheăm tíu tơkăng kong mơnhên tối thôn pơlê nếo.

VOV4.Xơ Đăng - Tơdah hơnăm nếo 2023, cheăm Ia Mơr, tơring Čư̆ Prông, Gia Lai hiăng hlo tơƀrê ‘na troăng prôk, on tơhrik, troăng tung pơlê, hngêi pơkeăng, rế ton rế lĕm tâ. Laga, mơngế Jarai tíu kố hiăng pơ’lêh túa pêi cheăng kâ. Mê cho mâu tơdroăng ki kal vâ kuăn pơlê tíu tơkăng kong mơnhông, mơjiâng tơdroăng rêh ối rế ton rế phâi hơtô, hơniâp ro.

VOV4.Xơ Đăng - Vi ƀan hnê ngăn kong pơlê Dak Lak hiăng tơkŭm po Leh tơbleăng pơkâ dêi Ngế pro xiâm hnê ngăn Chin phuh, mơnhên tối pơlê kong kơdrâm Ƀuôn Ma Thuột pê klêi tơdroăng mơjiâng thôn pơlê nếo; tơdah xo Mê dai pêi cheăng ối má Pái dêi Kăn xiâm hnê ngăn tơnêi têa.