VOV.Xơ Đăng - Mâu kong pơlê Dak Lak, Khánh Hòa, Gia Lai ƀă Lâm Đồng dế tro kong mê kân têa lân lu sap nah hâi chói ai, têa kroăng tâk đik luâ tíu ki ton, hên kơpong kuăn pơlê ối tro têa lu. Khu kŏng an, mố đô̆i ƀă kăn pơkuâ tơkŭm tŏng xo, rak vế tơniăn châ chăn ăm kuăn pơlê.

VOV.Xơ Đăng - Kơxê lơ 19/11, Hô̆i đong kong pơlê Khánh Hòa rah xo pôa Trần Phong, Phŏ Kăn pơkuâ Tĭnh ủi, to pro kăn hnê ngăn Vi ƀan kong pơlê hneăng hơnăm 2021 – 2026.

VOV.Xơ Đăng - Kơxê lơ 19/11, pôa Tô Lâm, Kăn xiâm pơkuâ hnê ngăn Đảng rơtế khu râ kăn pêi cheăng Tíu xiâm tơnêi têa hiăng lăm pôu ƀă pêi cheăng a kơpong pêi cheăng kâ Thổ Châu, kong pơlê An Giang.

VOV.Xơ Đăng - Kơxo hâi lơ 19/11, Khu pêi cheăng dêi Chin phuh xua pôa Hồ Quốc Dũng - Phŏ ngế pro xiâm hnê ngăn tơnêi têa pơkuâ djâ mâu kăn hiăng lăm ngăn tơdroăng hbrâ ví xía vâ kong mêi têa lân lu a cheăm Diên Điền, môi tung mâu kơpong tro têa lu trâu ƀă ôh tá tơniăn dêi Khánh Hòa.

VOV.Xơ Đăng - Vi ƀan hnê ngăn kong pơlê Lâm Đồng nếo tơkŭm po klêi Hôp tối mơgêi tơdroăng cheăng rah mâu kăn ƀô̆, mâu kăn, mâu ngế pêi cheăng râ kong pơlê lăm veăng kum râ kăn cheăm tung pơla mâu khế apoăng tơ’mot khu kăn pêi cheăng kong pơlê 2 râ.

VOV.Xơ Đăng - Drêng rôh pôu Cộng hòa Algeria, pôa Phạm Minh Chính, Ngế pro xiâm hnê ngăn Chin phuh rơtế ƀă kơdrâi pôa ƀă Khu râ kăn xiâm Việt Nam hiăng trâm mâu kăn ƀô̆ nhân viên kơ koan teăng mâ Việt Nam ƀă kuăn pơlê Việt Nam a Algeria. 

VOV.Xơ Đăng - Hâi lơ 18/11, pôa Lương Cường, Kăn xiâm hnê ngăn tơnêi têa hiăng troh veăng Hâi xah hêi ro Tơrŭm môi tuăn tâi tâng kuăn pơlê a thôn Bảo An, cheăm Gò Nổi, Pơlê kong kân Đà Nẵng klăng roh 95 hơnăm Hâi mơjiâng Măt trâ̆n Tơnêi têa Việt Nam (18/11/1930 – 18/11/2025), xuân cho Hâi tơrŭm môi tuăn tâi tâng kuăn pơlê hơnăm 2025.

VOV.Xơ Đăng - Kơxê hâi lơ 18/11, tiô rơkong krếo thế dêi pôa Sifi Ghrieb,  Ngế pro xiâm hnê ngăn tơnêi têa Kŏng hoa Yân chuh Nhân yân Algeria, pôa Phạm Minh Chính - Ngế pro xiâm hnê ngăn tơnêi têa ƀă kơdrâi pôa ƀă mâu kăn xiâm Việt Nam hiăng troh a tơraih tơƀai lâp plâi tơnêi Houari Boumediene Alger, pơxiâm pôu kong têa Algeria.

VOV.Xơ Đăng - Kơxê hâi lơ 18/11, pôa Tạ Anh Tuấn, Kăn hnê ngăn Vi ƀan Kuăn pơlê kong pơlê Dak Lak rơtế ƀă khu kăn lăm pêi cheăng dêi kong pơlê hiăng troh a cheăm Yang Mao (tơring Krông Bông ton nah) vâ tăng ngăn tơdroăng ki tro lŭp xua kong mêi têa lân lu, hnê rĕng pêi tơdroăng hbrâ ví, djâ kuăn pơlê lo ing kơpong rơ-iô ƀă tơkâ luâ xơpá.

VOV.Xơ Đăng - Hâi lơ 18/11, pôa Tô Lâm - Kăn xiâm pơkuâ hnê ngăn Đảng  hiăng tơdah Phŏ Ngế pro xiâm hnê ngăn tơnêi têa, Ngế xiâm pơkuâ ngăn lêng Slovakia Robert Kaliňák tung rôh lăm pôu  tơnêi têa Việt Nam.