VOV.Xơ Đăng - Pêi pro troăng pơkâ dêi Khu xiâm pơkuâ tơdroăng kal kí ‘na mơjiâng pro hngêi trung phôh thong ai tíu kâ koi ối pơtê péa râ a mâu cheăm tơkăng kong, tơnêi, pơla hdrối kố nah, pôa Mai Văn Chính, Phŏ Ngế pro xiâm hnê ngăn Chin phuh hiăng ai mâ a leh pơxiâm pro a Ia Rvê, kong pơlê Dak Lak; pôa Hồ Quốc Dũng, Phŏ Ngế pro xiâm hnê ngăn tơnêi têa xuân veăng ai mâ a leh pơxiâm pro Hngêi trung phôh thong hdroâng kuăn ngo péa râ Râ má môi ƀă Râ má péa a mâu cheăm kăng kong peăng mâ hâi Lâ kong pơlê Gia Lai. Kuăn pơlê kơpong kăng kong bô bố xuân ro hlo tơdroăng tơmâng ngăn tŏng gum dêi Đảng, Tơnêi têa ăm kuăn ‘nĕng tíu ối hên xơpá.

VOV.Xơ Đăng - Tung rôh pôu păng ‘nâng Tơnêi têa Kuwait, hâi lơ 17/11/2025, pôa Phạm Minh Chính, Ngế pro xiâm hnê ngăn Chin phuh hiăng tơpui tơno ƀă pôa Sheikh Sabah Khaled Al-Hamad Al-Sabah - Kuăn pơtáu Tơnêi têa Kuwait; pôu pôa Sheikh Nasser Al-Mohhammed Al-Jaber Al-Sabah, Ngế pro xiâm hnê ngăn tơnêi têa hneăng hdrối.

VOV.Xơ Đăng - Klêi rôh kong mê kân mê ton pơtối tung mâu hâi hdrối pro hên cheăm bêng tung kơpong Nam Trung bộ ƀă Tây Nguyên tro têa lân lu ó. Kăn pơkuâ cheăm bêng rơtế ƀă kuăn pơlê mơ-eăm ‘mâi mơnhông mâu kế tơmeăm ki tro tơ’nhiê, vâ rĕng tơniăn tung rêh kâ ối.

VOV.Xơ Đăng - Hâi lơ 17/11, Khu ngăn vâi kơdrâi kong pơlê Dak Lak tơkŭm po mơgêi ƀă diâp pri Rôh tơ’noăng “Vâi kơdrâi thôn pơlê pơxiâm pêi cheăng pơhlêh nếo, tơmiât pêi rơkê” hơnăm 2025.

VOV.Xơ Đăng -  Kơxo lơ 17/11, a Hngêi trung Đăi hok Sư Phạm Hà Nội, pôa Lương Cường, Kăn xiâm hnê ngăn tơnêi têa veăng Leh tơbâ Hâi Mâu ngế Hnê hriâm Việt Nam (20/11) ƀă Hneăng tơ’noăng pâ nhuô̆m tơnêi têa kơvâ hnê hriâm roh má VIII.

VOV.Xơ Đăng - Kơxo lơ 17/11, kong mê kân mêi ton hlối ai têa lân lu ó sap ing peăng kơnhŏng hiăng tơ’nhiê hên ‘na tơmeăm ƀă hlâ rong ‘na mơngế ƀă hngêi trăng troăng klông a mâu kong pơlê Lâm Đồng – Khánh Hòa ƀă Dak Lak.

VOV.Xơ Đăng - Tung rôh lăm pôu păng ‘nâng Tơnêi têa Kuwait, pôa Phạm Minh Chính, Ngế pro xiâm hnê ngăn Chin phuh rơtế ƀă Khu râ kăn xiâm Việt Nam hiăng trâm kăn ƀô̆ mâu nhân viên kơ koan teăng mâ Việt Nam ƀă kuăn pơlê Việt Nam a Kuwait.

VOV.Xơ Đăng - Kơxo lơ 17/11, a Hà Nội, Khu séa ngăn Chin phuh tơkŭm po Leh tơbâ 80 hơnăm Hâi mơjiâng Khu séa ngăn Việt Nam (23/11/1945- 23/11/2025).

VOV.Xơ Đăng - Leh tơbâ 95 hơnăm Hâi mơjiâng Măt trâ̆n Tơnêi têa Việt Nam pơla kố nah, pôa Phạm Minh Chính, Ngế pro xiâm hnê ngăn tơnêi têa hiăng troh veăng Hâi xah hêi ro Tơrŭm môi tuăn tâi tâng hdroâng mơngế ƀă kuăn pơlê kơpong kuăn pơlê rêh ối Thắng Kiên, cheăm Đề Gi, kong pơlê Gia Lai. Xuân tung roh kố, pôa Mai Văn Chính, Phŏ Ngế pro xiâm hnê ngăn tơnêi têa hiăng troh veăng Hâi xah hêi ro Tơrŭm môi tuăn tâi tâng hdroâng mơngế a kơpong kuăn pơlê rêh ối thôn Suối Cau – Suối Sâu – Bến Khế, cheăm Bắc Khánh Vĩnh, kong pơlê Khánh Hòa.

VOV.Xơ Đăng - Mâu hâi ki kố, tơdroăng ki vâ roê xơmong, hmốu prêi, meăm pro hngêi dêi kuăn pơlê a Gia Lai tâk hên klêi kơ’nâi khía mơhot kân rôh má 13 plong mot. Hlo tơdroăng ki ai khât mê, khu ki ai tơdjâk a kong pơlê thăm mơnhông lăm ngăn, ƀă pơkâ thế mâu tíu tê mơdró xơmong, meăm thep hmốu prêi a kĭ tơhrâ pôi tá pro pơxúa ăm dêi tơná drêng ai kong mê khía mơhot têa kân lân lu vâ mơdêk yă tê.