VOV4.Xơ Đăng – Tây Nguyên dế tung rơnó tôu mơdrăng khăng khoăng, kơdró têa a mâu têa kroăng, têa plông dế xiâ ó, ai mâu tíu ki ‘nâ hiăng xiâ tâi. Kơvâ ngăn ‘na chiâk deăng mâu cheăm, tơring dế rơtế ƀă kuăn pơlê pêi pro rĕng tơbleăng mâu troăng rak vế tơniăn, tơƀrê ăm tơdroăng ki pêt tơmeăm. Ngế chêh hlá tơbeăng cheăng tung Rơ’jíu Việt Nam a kơpong Tây Nguyên ai chêh tối ‘na tơdroăng mê.

VOV4.Xơ Đăng - Nôkố hiăng mot tung rơnó tô khăng khoăng a Dak Lak, tơdroăng kal vâ xúa têa ô hum rôh jiếo dêi kuăn pơlê tâk hên. Tíu xiâm Têa krúa ƀă Mơgrúa kong prâi thôn pơlê kong pơlê dế hbrâ têa, tơmeăm vâ tơniăn xing xoăng têa tơniăn, kơdroh iâ má môi ‘na ôh tá bê têa ôu hum rôh jiếo dêi kuăn pơlê.

VOV4.Xơ Đăng - ­Tơdroăng tơkêa bro troăng kân Hồ Chí Minh troăng ví peăng mâ hâi lo pơlê kong kơdrâm Ƀuôn Ma Thuột hiăng châ Khu xiâm pơkuâ troăng prôk ƀă rơxế kơtâu tơ’nôm lối 330 rơtal liăn vâ tăng tơnêi laga tơdroăng ki tăng tơnêi xuân hrá. Séa ngăn inhên tơdroăng tơkêa bro, Kăn hnê ngăn Vi ƀan kong pơlê Dak Lak hiăng pơkâ mâu kơ koan, tíu cheăng ki tơdjâk thăm mơdêk hnoăng cheăng.

VOV4.Xơ Đăng - Jâ Võ Thị Ánh Xuân, Kăn xiâm phŏ hnê ngăn tơnêi têa pôu râng hnoăng pro Kăn xiâm hnê ngăn tơnêi têa Kŏng hòa xah hô̆i chuh ngiah Việt Nam ing hâi lơ 21/3/2024 tá troh Kuô̆k hô̆i pôk kăn xiâm hnê ngăn tơnêi têa ki nếo ah.

VOV4.Xơ Đăng - Hâi lơ 20/3/2024, a tíu pêi cheăng Xiâm Đảng, Khu kăn xiâm Đảng hneăng 13 hiăng hôp séa ngăn, ăm hnê tối ‘na tơdroăng thế pơtê cheăng pro Kăn xiâm hnê ngăn, thế pơtê cheăng ƀă pôa Võ Văn Thưởng - Ngế cheăng tung Khu xiâm kal kí, Ngế cheăng tung Khu kăn xiâm Đảng hneăng 13, Kăn xiâm hnê ngăn tơnêi têa Kŏng hòa xah hô̆i chuh ngiah Việt Nam, Kăn xiâm hnê ngăn Hô̆i đong lêng ƀă kring tơniăn hneăng 2021-2026.

VOV4.Xơ Đăng - Kơxê lơ 20/3, pôa Phạm Minh Chính, Ngế pro xiâm hnê ngăn tơnêi têa hiăng tơdah pôa Karthik Rammohan, Kăn phŏ hnê ngăn râ xiâm Grup pơkuâ Lam Research (Mih) ƀă teăng mâ Kŏng ti Seojin (Hàn Quốc).

VOV4.Xơ Đăng - Khu xiâm ngăn mâu tơdroăng cheăng pêi nếo pơkâ tơkŭm po tơdroăng Ngế pro xiâm hnê ngăn Chin phuh trâm mâ ƀă hlối tơpui tơno ƀă mâu droh rơtăm hơnăm 2024, drêng troh leh tơbâ 93 hơnăm Hâi mơjiâng Đoân Droh rơtăm Kŏng sản Hồ Chí Minh (26/3/1931 - 26/3/2024).

VOV4.Xơ Đăng - Pơlê kong kơdrâm Ƀuôn Ma Thuột mơ-eăm pê klêi ƀă ăm xúa mâu tơmeăm khoăng pro ki kal tung khế 11 hơnăm kố, klăng troh leh tơbâ 120 hơnăm hâi mơjiâng kong pơlê Dak Lak.

VO4.Xơ Đăng - Pôa Trần Hồng Hà, Ngế pro xiâm phŏ hnê ngăn tơnêi têa nếo po rôh hôp xo rơkong tơpui ‘na kơxop hla mơéa “Tơdroăng cheăng tung la ngiâ mơnhông hnê hriâm troh hơnăm 2030, troăng ngăn troh hơnăm 2034”.

VOV4.Xơ Đăng - Pơla hdrối kố nah, khu kăn pêi hnoăng cheăng dêi Chin phuh xua pôa Bùi Thanh Sơn, Ngế cheăng tung tíu xiâm Đảng, Ngế xiâm tơpui kâ pro ngế xiâm pơkuâ djâ khu kăn hiăng pêi cheăng ƀă kong pơlê Gia Lai. Tơdroăng pêi cheăng tơdjâk troh pêi pro tê mơdró, ‘no liăn cheăng mơjiâng tơmeăm khoăng ƀă tê rôe kế tơmeăm kong têa ê tung kong pơlê; mơdêk tê kế tơmeăm ăm kong têa ƀă tơbleăng um méa dêi kong pơlê.