VOV.Xơ Đăng - A kong pơlê Dak Lak, cheăng kăn pơkuâ kong pơlê 2 râ hiăng tơniăn. Kăn ƀô̆, mâu ngế cheăng dêi kong pơlê Dak Lak maluâ lăm troh a kong pơlê ki nếo pêi cheăng lơ ối pêi cheăng a tíu cheăng ki ton, pơrá hiăng ƀă dế mơeăm gtơniăn rêh ối, pêi pro mâu hnoăng cheăng ki nếo. Tung tơdroăng cheăng dêi vâi, ôh ti ai tơdroăng xing xoăng ngế krê mê ối cho hiâm mơno hmâ, môi hiâm mơno mơjiâng môi kong pơlê Dak Lak mơnhông krá ton

VOV.Xơ Đăng - Kơxo hâi lơ 14/7, a Tiú pêi cheăng dêi Kăn xiâm hnê ngăn, pôa Lương Cường, Kăn xiâm hnê ngăn tơnêi têa hiăng pơkuâ hâi leh pơkâ pơto kơlŏng ăm mâu kăn lêng tung Khu xiâm pơkuâ ngăn lêng ƀă Khu xiâm hnê ngăn Kŏng an.

VOV.Xơ Đăng - Klêi kơ’nâi péa pơla măng tĭng pêi cheăng, Tíu xiâm tŏng gum ‘na chêh bro hlá mơ-éa râ cheăm, bêng a kong pơlê Gia Lai hiăng mơnhên tối ai hên tơdroăng ki hiăng pơhlêh: hên cheăm bêng hiăng xúa tâi tâng kơmăi, hyôh internet vâ pêi cheăng ‘na bro hô sơ, tiô tơdroăng ki ăm ‘nâi mâu tơdroăng ki chêh bro hlá mơ-éa mê hiăng kêi châ 70%. Kố cho hnoăng ki ăm hlo, mâu túa cheăng ki mê hiăng châ tơniăn, mâu kăn ƀô̆ cheăng pêi dêi hnoăng tơná tro tiô tơdroăng, túa cheăng kố dế mot tung tơdroăng ki păng ‘nâng, gum ăm kuăn pơlê châ pro dêi mâu hlá mơ-éa rĕng tâ, tro tâ, ôh tá lôi kuăn pơlê trâm tơvâ tơvân.

VOV.Xơ Đăng - Ngế pro xiâm hnê ngăn tơnêi têa púi vâ kuăn pơlê, malối cho mâu khu ki hriăn ‘na khoa hok pơtối veăng tơpui, pleăng tơdroăng cheăng ăm tơnêi têa.

VOV.Xơ Đăng - Kơxo lơ 13/7, klêi kơ’nâi péa hâi pêi cheăng kơhnâ krâu khât, Hneăng hôp mâu kăn teăng mâ Đảng ƀô̆ Rơ’jíu Việt Nam rôh má 27, hơnăm 2025 – 2030 hiăng ƀlêi chiâng tơniăn lĕm.

VOV.Xơ Đăng - Pôa Phan Đình Trạc - Ngế pơkuâ ngăn tíu xiâm cheăng ti tăng ‘nâi plĕng mâu tơdroăng dêi tíu xiâm rơtế ƀă khu kăn Kuô̆k hô̆i kong pơlê Lâm Đồng nếo klêi trâm mâ kuăn pơlê a cheăm Lạc Dương.

VOV.Xơ Đăng - Tung péa hâi, hâi lơ 12 ƀă hâi lơ 13/7, hneăng hôp Đảng ƀô̆ Khu pơkuâ Mố đô̆i gak tơkăng kong Dak Lak roh má 1 hiăng po klêi tơniăn.

VOV.Xơ Đăng - Măng tĭng hdrối, a Hngêi Kuô̆k hô̆i hiăng po Rôh hôp má 47 dêi Vi ƀan pơkuâ Kuô̆k hô̆i. Pơkuâ po rôh hôp, pôa Trần Thanh Mẫn, Kăn xiâm hnê ngăn Kuô̆k hô̆i pơkâ thế tơkŭm mơjiâng tơdroăng luât, pơhlêh nếo rơdêi tá tơdroăng kal, túa pơkâ ƀă ki rơkê plĕng vâ tối rơdêi hnoăng cheăng pơkuâ djâ, pro mơjiâng dêi Kuô̆k hô̆i ƀă Chin phuh, pro chiâng ivá ăm hneăng ki mơnhông nếo.

VOV.Xơ Đăng - Klêi kơ’nâi tơ’mot 3 kong pơlê Lâm Đồng, Dak Nông ƀă Bình Thuận, kong pơlê Lâm Đồng ki nếo ai tơnêi tíu djâ troăng ahdrối tung lâp tơnêi têa, ai lối 24.000km2, pơ’leăng mâ mê vâ chê troh 3 rơtuh 900 rơpâu ngế, 124 khu pêi cheăng râ cheăm, túa lĕm tro kơpong têa kơxĭ ƀă kong kế, ngo ngối ga ai hên. Tung hnoăng cheăng ki vâ mơnhông tung hneăng ki nếo, tơdrêng ƀă tơdroăng xúa, pơtối mơdêk hên ‘nâng ‘na mâu tơmeăm, ki ai ivá tơ’lêi hlâu, kong pơlê Lâm Đồng mơnhên pơtối mơdêk ó rơdêi tâ nếo tro tiô hiâm mơno Tơrŭm kân tung lâp lu vâ mơjiâng chiâng ivá ki ó rơdêi tơdjuôm mơjiâng kong pơlê Lâm Đồng châ mơnhông rĕng ƀă krá tơniăn.

VOV.Xơ Đăng - Ing hâi lơ 1/7/2025, péa kong pơlê Bình Định ƀă Gia Lai hiăng tơmot chiâng môi kong pơlê, xo inâi tơdjuôm cho Gia Lai. Ing kong ngo Pleiku troh a pêa kong tơbăng – têa kơxĭ Tơdế Tơnêi têa, kơpong tơnêi ki tơtro má môi, pói rơhêng châ chiâng tíu ki vâ thăm mơdêk ki ó rơdêi tâ nếo ƀă hnối tơrŭm tung hên kơvâ cheăng, hên kơpong.