VOV.Xơ Đăng - Pôa Phạm Minh Chính, Ngế pro xiâm hnê ngăn Chin phuh nếo kĭ Mơ-éa pơkâ thế mâu khu xiâm, kơvâ cheăng ƀă kong pơlê tơkŭm ‘mâi rơnêu mâu tơmeăm khoăng klêi kơ’nâi kong mê khía mơhot têa lân lu ki ó a kơpong peăng tơdế Tơnêi têa.

VOV.Xơ Đăng - Pôa Ksor Chuel, thái hnê chư, 76 hơnăm, hdrông Jarai, hiăng ai lối 30 hơnăm cheăng tung kơvâ hnê mơhriâm a kong pơlê Gia Lai. Klêi kơ’nâi hiăng pơtê, vêh dêi a pơlê, pôa pơtối veăng pêi pro mâu tơdroănug cheăng dêi khu râ, kơvâ cheăng a pơlê cheăm, tâi i hiâm tâi mơno veăng mơ’no dêi tơdroăng ki rơkê, ivá, ƀă tá liăn ngân, tơmeăm khoăng vâ mơnhông pơlê cheăm. Pôa pơtối cho mơngế ki djâ troăng bâ eăng, hnê mơhno tối ăm hên vâi rơxông droh rơtăm Jarai kơdo mơ-eăm tung mơhriâm, pêi tơdroăng cheăng.

VOV.Xơ Đăng - Mâu khu mô đô̆i hiăng pêi pro hên troăng pêi mơhnhôk kuăn pơlê rơkê, veăng gum drêng pá puât, kum kuăn pơlê tơniăn tăng cheăng pêi, vâ mơdêk ki dâi lĕm tơdroăng rêh ối.

VOV.Xơ Đăng - Hâi lơ 2/11, tơkŭm po Hneăng tơ’noăng pâ nhuô̆m tơnêi têa kong pơlê Cà Mau roh má I.

VOV.Xơ Đăng - Kơxê lơ 2/11, a Tíu pêi cheăng Xiâm Đảng, pôa Tô Lâm, Kăn xiâm pơkuâ hnê ngăn Đảng hiăng tơdah pôa (Phit Hek-sờt) Pete Hegseth - Ngế xiâm pơkuâ Tơdroăng tơplâ kong têa Mih klăng roh lăm pôu pêi cheăng păng ‘nâng a Việt Nam.

VOV.Xơ Đăng - Kơxo hâi lơ 2/11, pôa  Tô Lâm - Kăn xiâm pơkuâ hnê ngăn Đảng ƀă Khu kăn lăm pêi cheăng dêi Tíu xiâm hiăng troh lăm pôu, hbru tơmeăm ăm kuăn pơlê a pơlê kong kơdrâm Huế, cho mâu kuăn pơlê tro tơdjâk ó dêi rôh kong mêi kân têa lân lu pơla kố nah.

VOV.Xơ Đăng -  Kơxê hâi lơ 30/10, tung tơdroăng veăng Măng tĭng leh Khu râ kăn xiâm Hôp tơpui tơno Khu tơrŭm cheăng kâ châu Á - Thái Bình Dương (APEC) 2025 a pơlê kong kân Gyeongju, Hàn Quốc, pôa Lương Cường, Kăn xiâm hnê ngăn tơnêi têa hiăng ai ƀai xông tơpui ki kal a Hneăng hôp khu râ kăn xiâm Khu tê mơdró APEC 2025.

VOV.Xơ Đăng - Hâi lơ 30/10, a pơlê kong xiâm London, Tô Lâm - Kăn xiâm pơkuâ hnê ngăn Đảng Kŏng san Việt Nam hiăng trâm mâ pôa Tony Blair - Ngế pro xiâm hnê ngăn kong têa Ăng-glê, Kăn xiâm hnê ngăn  Viê̆n  tung rôh lăm pôu kong têa Ăng-glê.

VOV.Xơ Đăng - Drêng troh tơbâ 95 hơnăm Hâi mơjiâng Măt trâ̆n Tơnêi têa Việt Nam lơ (18/11), kơmăng hâi lơ 30/10 a Hà Nội, Khu Kăn Vi ƀan xiâm Măt trâ̆n tơnêi têa Việt Nam tơrŭm ƀă Khu ngăn ‘na chêh hlá tơbeăng Việt Nam tơkŭm po Leh diâp Pri hlá tơbeăng tung lâp tơnêi têa hbrâ, mơdât kâ kơluâ, mơ’nhiê liăn ngân, pro ôh tá tro rôh má 5, hơnăm 2024-2025.

VOV.Xơ Đăng - A rôh hôp Khu hnê mơhno ‘na mơnhông khoa hok kong ngê̆, pơ’lêh nếo hriăn plĕng ki nếo ƀă pơ’lêh kơxô̆ po a kơxo hâi lơ 30/10, pôa Lương Nguyễn Minh Triết - Kăn pơkuâ hnê ngăn Đảng ủi kong pơlê Dak Lak pơkâ thế hlối kơhnâ pơhlêh nếo, hlối mơdêk khoa hok - kong ngê̆, pơ’lêh nếo, hriăn plĕng ki nếo.