VOV.Xơ Đăng - Rêm xoh troh rơnó pơtê hriâm, tơdroăng ki hơniâp ro dêi vâi ‘nĕng ga ai tơdjâk troh tơdroăng ki tiah hmâ cho hneăng cheăng ki pôu râng dêi mâu pro nôu pro pâ, mê cho tơdroăng ki vâi ‘nĕng hmâ lăm hum a têa long, têa kroăng lơ tro klâk têa. A kong pơlê Dak Nông, tíu ki ai hên mâu long, rơchôa, têa kroăng, ki tô tuăn mê thăm rế xâu xía tâ drêng troh a rơnó pơtê hriâm. Ki kheá hơ’nêng akố, bu to lâi khế apoăng hơnăm 2025, hiăng ai 18 ngế vâi ‘nĕng hlâ xua tro klâk têa.

VOV.Xơ Đăng - A kong pơlê Dak Lak, khu đảng viên hơnăm ối nếo dế rế mơnhên hnoăng djâ troăng ahdrối tung rêm kơvâ cheăng. Ƀă hiâm mơno pêi tâi ivá, tơmiât pêi rơkê ƀă pôu râng hnoăng cheăng hên, vâi ôh tá xê to kêi đeăng lĕm tro tơdroăng cheăng, mê ối thăm veăng mâu tơdroăng xua pơlê pơla, kum troh lâp lu ki kơnâ lĕm tro dêi Đảng tung tơdroăng rêh ối pơlê pơla.

VOV.Xơ Đăng - Kơxo lơ 26/5, pôa Nguyễn Hòa Bình, Phŏ Ngế pro xiâm hnê ngăn tơnêi têa hiăng veăng hôp ƀă tơpui a rôh pơxiâm po Hneăng hôp khu kăn Đảng ƀô̆ Grup Bưu chính Viễn thông Việt Nam (VNPT) rôh má 25, pơla hơnăm 2025 – 2030.

VOV.Xơ Đăng - Kơxo lơ 26/5, a tíu pêi cheăng kăn xiâm hnê ngăn tơnêi têa, pôa Lương Cường, kăn xiâm hnê ngăn tơnêi têa ƀă kơdrâi pôa hiăng pơkuâ leh tơdah kân krip tơdah pôa Emmanuel Macron, kăn xiâm pơkuâ kong têa Pơhlăng prế kơdrâi pôa pôu râ Tơnêi têa troh Việt Nam.

VOV.Xơ Đăng - Kơxo lơ 26/5, pôa Phạm Minh Chính, Ngế pro xiâm hnê ngăn tơnêi têa rơtế mâu khu râ kăn pơkuâ pơxiâm mâu tơdroăng tung po Hneăng hôp Khu râ kăn xiâm ASEAN roh má 46 ƀă mâu hneăng hôp khu râ kăn xiâm ki tơdjâk châ tơkŭm po a pơlê kong xiâm Kula Lumpur, Malaysia.

VOV.Xơ Đăng - Kơxê lơ 25/5, a Tíu pêi cheăng Ngế pro xiâm hnê ngăn kong têa Malaysia, pôa Anwar Ibrahim, Ngế pro xiâm hnê ngăn kong têa Malaysia hiăng pơkuâ leh tơdah păng ‘nâng pôa Phạm Minh Chính, Ngế pro xiâm hnê ngăn tơnêi têa, Kơdrâi pôa ƀă khu râ kăn teăng mâ xiâm Việt Nam lăm pôu păng ‘nâng kong têa Malaysia.

VOV.Xơ Đăng - Hâi lơ 26/5, tiô rơkong krếo thế dêi pôa Lương Cường, Kăn xiâm hnê ngăn tơnêi têa, pôa Emmanuel Macron, Kăn xiâm pơkuâ kong têa Pơhlăng ƀă kơdrâi pôa păng ‘nâng pơxiâm roh lăm pôu pêi cheăng râ Tơnêi têa troh Việt Nam.

VOV.Xơ Đăng - Kơxo hâi lơ 25/5, a tíu pêi cheăng Chin phuh, pôa Lương Cường Kăn xiâm hnê ngăn tơnêi têa hiăng tơdah jâMen Sam On- Kăn xiâm hnê ngăn Hô̆i đong tơnêi têa Măt trâ̆n Tơrŭm tuăn mơnhông tơnêi  têa kul, Kăn xiâm hnê ngăn Khu tơrŭm cheăng pơla Kul - Việt Nam dế pơkuâ djâ khu kăn xiâm  Kul lăm pôu ngăn kiâ pôa Trần Đức Lương, Kăn xiâm hnê ngăn tơnêi têa hneăng hdrối.

VOV.Xơ Đăng – Hneăng tơ’noăng mơgêi Râ má pái phôh thong hơnăm 2025 hiăng vâ chê troh. Kố cho roh apoăng hneăng tơ’noăng châ tơkŭm po tiô Tơdroăng Hnê hriâm phôh thong hơnăm 2018 ai hên tơdroăng ki pơhlêh nếo tung hnê mơhriâm. Kơvâ ngăn ‘na hnê mơhriâm ƀă Hnê mơjiâng tuăn ngôa rơkê kong pơlê Dak Lak hiăng hbrâ pơkâ pêi pro hên troăng hơlâ ki thăm mơdêk ki dâi lĕm dêi tơdroăng mơhriâm, hbrâ rơnáu lĕm tơniăn tuăn mơno ƀă tơdroăng ki hlê plĕng ăm hok tro drêng vâ mot tung hneăng tơ’noăng ki kal kố.

VOV.Xơ Đăng – Hâi lơ 20 khế 5 hơnăm 2025, pôa Trần Đức Lương, Kăn xiâm hnê ngăn tơnêi têa hneăng hdrối kơtê ihiâm a Hà Nội, rêh châ 88 hơnăm. Tơdroăng ki kơtê ihiâm cho tơdroăng hía kân dêi Đảng,Tơnêi têa.