VOV4.Xơ Đăng - Kơxo lơ 11/3, a Hngêi Kuô̆k hô̆i, Đảng ủy khô̆i mâu kơ koan Tơnêi têa, Đảng ƀô̆ Ƀơrô cheăng Kuô̆k hô̆i hiăng tơkŭm po Leh diâp Mê dai 40 hơnăm ối tung Đảng ăm pôa Vương Đình Huệ, Kăn xiâm hnê ngăn Kuô̆k hô̆i.

VOV4.Xơ Đăng - Kơxê hâi lơ 11/3, Pôa Đặng Quốc Khánh, Ngế xiâm ngăn  tơmeăm khoăng tung tơnêi ƀă Hyôh kong prâi rơtế ƀă mâu kăn hiăng pêi cheăng a kong pơlê Dak Lak ‘na tơdroăng rak ngăn Tơnêi têa ‘na tơmeăm khoăng hyôh kong prâi.

VOV4.Xơ Đăng - Tơdroăng ki po ‘’Khế ‘no dêi liăn kơdĭng veăng kum mơngế kơtiê’’ a kong pơlê Lâm Đồng hiăng veăng kum ai liăn vâ tơ’lêi hlâu iâ tơdroăng ki kal châ mung liăn ƀă mơngế kơtiê. Klêi kơ’nâi 1 măng tĭng mơ’no mơhnhôk tơdroăng pơtroh liăn kơdĭng tơdjuôm ivá kum mơngế kơtiê, Hngêi rak liăn kum mơngế kơtiê a kong pơlê Lâm Đồng hiăng châ xo 67 rơtal liăn. Tơdroăng pêi pro kố dế po rế hía rế hên a Lâm Đồng, tơ’mot hên ngế veăng pêi pro.

VOV4.Xơ Đăng - Cho môi tung mâu tơring ai kơdrâm kuăn pơlê cho hdroâng kuăn ngo rêh ối (ai lối 63%), mê 9 tung 11 to cheăm, pơlê kân, ối tung khu ki pá puât, Khu pơkuâ hnê ngăn cheăng Đảng tơring Lăk, kong pơlê Dak Lak đi đo tŏng kum, ngăn khât tung hnoăng mơjiâng Đảng kơpong hdroâng kuăn ngo, xua kố cho hnoăng cheăng ki athế pêi pro đi đo, hnoăng cheăng ki kal kân khât. Rêm đảng viên cho môi ngế ki xiâm, djâ troăng ahdrối tung tơ’noăng veăng kum mơjiâng khu cheăng kal kí a tơring krá tơniăn.

VOV4.Xơ Đăng - Tung rôh lăm pôu păng ‘nâng a kong têa New Zealand, pôa Phạm Minh Chính, Ngế pro xiâm hnê ngăn Chin phuh hiăng tơpui tơno ƀă pôa Gerry Brownlee - Kăn xiâm hnê ngăn Kuô̆k hô̆i kong têa New Zealand.

VOV4.Xơ Đăng - Kơxo lơ 11/3, pôa Đặng Quốc Khánh - Ngế xiâm pơkuâ kế tơmeăm khoăng tung têa, a tơnêi ƀă hyôh kong prâi rơtế ƀă khu kăn ki pêi dêi hnoăng cheăng hiăng ai rôh pêi cheăng a kong pơlê Gia Lai ‘na klêi kơ’nâi pêi pro hnoăng cheăng pơkuâ ngăn tơnêi têa tung kơvâ cheăng kong kế ƀă hyôh kong prâi.

VOV4.Xơ Đăng - Tung rôh lăm pôu a kong têa New Zealand, kơmăng hâi lơ 10/3, pôa Phạm Minh Chính - Ngế pro xiâm hnê ngăn Chin phuh hiăng trâm mâ kăn ƀô̆, mâu ngế pêi cheăng teăng mâ ƀă mơngế Việt Nam a New Zealand.

VOV4.Xơ Đăng - Tơdroăng ki mơ’no têa kum tôh tơmeăm a kơpng ki tô mơdrăng khăng khoăng a thôn Tiến Cường, cheăm Quảng Tiến, tơring Čư̆ Mgar, kong pơlê Dak Lak hiăng mơ’no mơjiâng vâ chê 73 rơtal liăn, la tơdroăng pêi pro mê ôh tá tơniăn, xua klŏng mơ’no têa tro tơhneăng, têa lo mơ’nhê pá kong tê kơtê. Plâ hơnăm nah, Khu xiâm ngăn ‘na chiâk deăng ƀă mơnhông thôn pơlê rơtế ƀă Vi ƀan hnê ngăn kong pơlê Dak Lak hiăng pơkâ thế, hnê mơhno nhên khât mâu tơdroăng cheăng ai tơdjâk troh vâ ‘mâi rơnêu, ‘mêng bro mâu tơmeăm khoăng ki tơ’nhê mê. Chôu phut kố, têa hiăng châ mơ’no troh a klâng chiâk dêi kuăn pơlê, kum ăm tơdroăng tôh tơmeăm pêt tơ’lêi hlâu, tơmeăm pêt chiâng dâi lĕm.

VOV4.Xơ Đăng - Hneăng plâ ƀlê trâng Ƀuôn Ma Thuột hâi lơ 10/3/1075 hiăng mot tung tơdroăng chêh tối tung kơxôp hlá mơ-éa roh nah dêi khu lêng tung hneăng tơplâ xâ tŏng xo, kring vế dêi Tơnêi têa, ƀă tơdroăng ki pơxúa kân khât cho pơxiâm po ăm hneăng ƀlêi trâng ăm Tâi tâng hneăng xông pơplâ xâ a rơnó Hơngui hơnăm 1975, pro tơleăng lĕm tâi tâng peăng Hdroh, mơjiâng tơnêi têa tơrŭm chiâng môi. Ing môi pơlê kong krâm ki kŭn, Ƀuôn Ma Thuột hâi kố hiăng chôa ‘lâng mơjiâng chiâng ngiâ méa ki nếo mê cho pơlê kong kơdrâm ki ngiât-hên loăng nhâ-rơkê plĕng - rak vế túa tơlá - khŏm chiâng Kơphô̆ ki xiâm dêi kơpong Tây Nguyên.

VOV4.Xơ Đăng - Kơxo hâi lơ 8/3, tiô chôu tơnêi têa, a pơlê kong xiâm Canberra, tung hneăng lăm pôu Australia, Ngế pro xiâm hnê ngăn tơnei têa Phạm Minh Chính lăm pôu pêi cheăng a Tôh Tí tăng hriăn plĕng ‘na Khoa hok ƀă kơmăi kơmok Khu ki rơkê ƀă ai tŭm tơmeăm tơdjuôm pơxá (CSIRO).