VOV.Xơ Đăng - Tơdrêng ƀă tơdroăng krếo kuăn pơlê tung lâp tơnêi têa tơrŭm dêi rơpó hvái ngăn peăng Kơpong Tơdế Tơnêi têa ngăn môi tiah nhŏng o xiâm môi klêa kliâm, pôa Phạm Minh Chính- Ngế pro xiâm hnê ngăn Chin phuh hiăng troh veăng tơlo kum kuăn pơlê kơpong Tơdế Tơnêi têa - Tây Nguyên tơkâ luâ xơpá xua kong prâi pro ôh tă tơniăn.

VOV.Xơ Đăng - Mâu hâi ki kố, kuăn pơlê tung lâp tơnêi têa ƀă mâu khu râ pơkuâ cheăng dế hvái ngăn kơpong Tơdế tơnêi têa, nhŏng o môi klêa kliâm ƀă tơdroăng pêi pro ai pơxúa khât vâ tơkâ luâ xơpá xua kong mêi têa lân lu.

VOV.Xơ Đăng - Kong mê têa kân hiăng tơ’nhiê hên hngêi trăng tơmeăm khoăng a Dak Lak ƀă Khánh Hòa, hiâm mơno tŏng gum dêi rơpó dế tơdjâk rơdêi. Khu ki pêi dêi hnoăng cheăng dêi Hải Phòng hiăng lăm troh kơpong têa kân lu a Dak Lak hbru tơmeăm gum 50 rơtal liăn. A Khánh Hòa, Pơlê kong kân Hồ Chí Minh mơhnhôk pơtroh khu ki cheăng 'na khăm pơlât tơkŭm khăm hbru pơkeăng tê kơtê. Rơtế amê, kuăn pơlê, khu tơrŭm ƀă khu mơdró kâ a Dak Lak veăng tơlo lối hrĭng tâ̆n kế kâ, têa tôu, hmân ếo pơtroh ăm vâi krâ kuăn pơlê kơpong têa lân lu.

VOV.Xơ Đăng - Pêi pro tiô tơdroăng xing xoăng cheăng dêi Khu xiâm kal kí, 4 khu pêi cheăng dêi mâu kăn xiâm pơkuâ hnê ngăn Đảng, Tơnêi têa, Chin phuh hiăng lăm troh a mâu kong pơlê, pơlê kong kân pa Hdroh pêa Tơdế Tơnêi têa ƀă Tây Nguyên vâ pơkuâ hnê ‘mâi mơnhông mâu kế tơmeăm tro tơ’nhê xua khía mơhot kân têa lân lu. Dế pêi cheăng a kong têa vâi ê, ing Kŏng hoa Nam Phi, pôa Phạm Minh Chính - Ngế pro xiâm hnê ngăn hiăng veăng hôp tơdrêng tung internet tơdjêp ing Ƀơrô Chin phuh ƀă mâu kong pơlê, pơlê kong kân vâ tơno tơnêng ‘na mâu tơdroăng pêi pro tơdrêng vâ teăm tŏng gum rĕng ‘mâi mơnhông tơdroăng ki hiăng tơ’nhê kế tơmeăm klêi kơ’nâi khía mơhot kân têa lân lu.

VOV.Xơ Đăng - Klêi kơ’nâi kong mê têa kân a Dak Lak, Gia Lai, Khánh Hòa dế mơhnhôk thế khu ki ai tơdjâk veăng gum kuăn pơlê mơgrúa lĕm, ‘mâi mơnhông hngêi trăng, troăng klông rak vế tơniăn tơdroăng rêh kâ ối, mơgrúa lĕm kong prâi, hbrâ mơdât pơreăng, vâ rĕng tơniăn tơdroăng rêh ối ƀă cheăng kâ klêi kơ’nâi têa kân lân lu.

VOV.Xơ Đăng - Kơxo lơ 24/11, Rơ’jiu Việt Nam (VOV) tơkŭm veăng tơlo liăn ngân, tơmeăm khoăng ăm kuăn pơlê peăng Tơdế Tơnêi têa, Tây Nguyên ‘mâi mơnhông tơmeăm khoăng ki tơ’nhiê xua kong mê têa kân lân lu.

VOV.Xơ Đăng - Kơxo lơ 24/11, Khu pơkuâ hnê ngăn Đảng tơkŭm po rôh hôp lâp tơnêi têa mơgêi cheăng séa ngăn pêi pro pơxâu phâk ki pơkâ dêi Đảng hơnăm 2025 ƀă hneăng hôp XIII.

VOV.Xơ Đăng - Ƀă cho ngế ki châ krếo thế dêi Kăn xiâm hnê ngăn G20, Ngế pro xiâm hnê ngăn tơnêi têa veăng ai mâ tung mâu tơdroăng cheăng dêi Rôh hôp khu râ kăn xiâm G20 rơtế ƀă kăn pơkuâ mâu kong têa tơrŭm cheăng, kong têa ki châ krếo thế ƀă khu tơrŭm lâp plâi tơnêi.

VOV.Xơ Đăng - Mâu cheăm bêng a Pa hdroh Pêa Tơdế Tơnêi têa ƀă Tây Nguyên dế ‘mâi mơnhông dêi tơmeăm khoăng klêi kong mê têa kân lân lu sap nah hâi chói kố tung pơla hdrối nah, ƀă lối chât rơpâu toăng hngêi tro têa lu lơ pro tơ’nhiê hngêi trăng, kế tơmeăm, hên kuăn pơlê hlâ rong ƀă tơ’nhiê tơmeăm khoăng tiô riân tâk troh lối rơpâu rơtal liăn.

VOV.Xơ Đăng - Klêi kơ’nâi tơ’mot mâu cheăm, kong pơlê, mê kong pơlê Dak Lak dế tơkŭm pêi cheăng tiô kŏng ngê̆ kơxô̆, thăm mơdêk ivá cheăng ki rơkê dêi khu kăn ƀô̆, mơngế pơkuâ cheăng, mơngế cheăng ƀă hnối thăm mơdêk hnê mơhno tối ‘na túa cheăng chêh bro hlá mơ-éa ƀă internet ăm kuăn pơlê. Ki kơdo mơ-eăm kố hiăng ƀă dế veăng gum mơjiâng túa pêi cheăng tro tiô chal nếo, veăng gum ăm kuăn pơlê ƀă khu mơdró kâ rế hía rế châ tơtêk, rơkê khât, tơ’lêi hlâu păng ‘nâng.