VOV.Xơ Đăng – Đà Lạt, Lâm Đồng mâu hâi apoăng rơnó pơtê hriâm hiăng chiâng tíu pơtê chêng ki  lĕm ăm tơmối tung lâp lu. Pơla kong hơngíu, rơngiâp, tíu ki lĕm  dêi Đà Lạt koh tơdah tơmối ƀă rơkong tó têm rơpiêt dêi ngế kuăn pơlê kơphô̆ kong ngo, mâu tíu pơtê ối hêi ki lĕm, kơchâi kâ kơhiâm ƀă mâu tour ôm hyô ngăn chiâk deăng. Ôh tá pơtê amê, ƀă mâu tơdroăng tơrŭm cheăng lâp plâi tơnêi dế châ po rơdâ, malối cho khu tơrŭm cheăng Hàn Quốc, Đà Lạt kô chiâng tíu xiâm ôm hyô, xah pơtê ối hêi ki châ ‘no liăn mơjiâng pro lĕm.

VOV.Xơ Đăng -  Klêi kơ’nâi Kuô̆k hô̆i tơbleăng Pơkâ ‘na tơdroăng rah xo bro lế lĕm tro tíu pêi cheăng tơnêi têa râ kong pơlê – môi troăng hơlâ kân djâ troăng pêi cheăng ton xŏn vâ tơxâng pơkâ mơnhông tung hneăng nếo, kuăn pơlê Tây Nguyên tối môi tuăn ƀă pói tơngah ‘na tơdroăng pêi pro châ tơƀrê Pơkâ.

VOV.Xơ Đăng -  Tung roh lăm pôu ƀă pêi cheăng a Thụy Điển, hâi lơ 12/6, pôa Phạm Minh Chính, Ngế pro xiâm hnê ngăn tơnêi têa hiăng troh lăm pôu ƀă xông tơpui troăng hơlâ a Đăi hok Kinh tê̆ Stockholm – môi tung mâu hngêi trung tê mơdró má môi kơpong Bắc Âu ƀă Baltic.

VOV.Xơ Đăng - Hâi lơ 12/6, pôa Phạm Minh Chính, Ngế pro xiâm hnê ngăn Chin phuh ƀă kơdrâi pôa rơtế Khu râ kăn teăng mâ Việt Nam hiăng pơxiâm roh lăm pôu pêi cheăng kong têa Thụy Điển tiô rơkong krếo thế dêi Ngế pro xiâm hnê ngăn kong têa Thụy Điển – pôa Ulf Kristersson.

VOV.Xơ Đăng - Hâi lơ 12/6, a tíu pêi cheăng dêi Kăn xiâm hnê ngăn tơnêi têa, pôa Lương Cường, Kăn xiâm hnê ngăn tơnêi têa ƀă kơdrâi pôa hiăng pơkuâ leh tơdah pôa Gitanas Nauseda, Kăn xiâm pơkuâ kong têa Litva ƀă kơdrâi pôa.

VOV.Xơ Đăng - Hâi lơ 12/6, a rôh hôp má 9, Kuô̆k hô̆i hiăng tơbleăng Pơkâ dêi Kuô̆k hô̆i ‘na tơdroăng pro rế lĕm tíu pêi cheăng râ kong pơlê 2025.

VOV.Xơ Đăng - Hâi lơ 12/6, tung tơdroăng tơrŭm cheăng pơla Khu xiâm mơhnhôk tê mơdró (Khu xiâm ngăn tê mơdró) ƀă  drêng tê mơdró ƀă điê̆n tưh Alibaba.com, hneăng hôp lâp plâi tơnêi tiah hmâ rêm hơnăm ‘na tê tơmeăm ăm kong têa ê tiô troăng hyôh măng ƀă pơxá “Djâ tơmeăm Việt Nam châ tê tung lâp plâi tơnêi” tơdrêng ƀă Leh pơ-eăng inâi Top 200 khu mơdró kơhnâ rơkê veăng Tơbleăng tê tơmeăm tơnêi têa Việt Nam pơla hơnăm 2025-2026.

VOV.Xơ Đăng - Vi ƀan kuăn pơlê kong pơlê Dak Lak hiăng tơbleăng Pơkâ ‘na tơdroăng mơjiâng Tôh tăng ‘nâi rĕng vâ tơbleăng tơdroăng cheăng hbrâ pêi ăm tơdroăng pơxiâm cheăng dêi mâu kăn râ cheăm, tiô túa pêi cheăng mâu kăn kong pơlê 2 râ.

VOV.Xơ Đăng - Khế tŏng gum vâi hdrêng hơnăm 2025 dó inâi ‘Kơjo liăn ngân pêi pro klêi mâu pơkâ xua vâ gum vâi hdrêng”, mâu kơvâ cheăng ki ai tơdjâk troh a kong pơlê Gia Lai ƀă Dak Lak hiăng tơbleăng hên tơdroăng pêi pro ai pơxúa, djâ vế ăm vâi hdrêng, malối cho vâi ‘nĕng kơpong hngế hngo, vâi hdrêng kơpong hdroâng kuăn ngo ƀă mâu vâi hdrêng ki xơpá ôh tá tơniăn ‘na tíu ối.

VOV.Xơ Đăng - Pơtối tơdroăng hneăng hôp má 9, kơxo lơ 9/6 Kuô̆k hô̆i tơpui tơno a hngêi hôp kân ‘na tơdroăng ki xing xoăng tíu pêi cheăng râ kong pơlê hơnăm 2025 ƀă têk kŏng tơbleăng Pơkâ ‘na tơdroăng kố.