VOV.Xơ Đăng - Pôa Phạm Minh Chính, Ngế pro xiâm hnê ngăn tơnêi têa mơnhên tơpéa tíu tê mơdró ngi kong têa ê lâp plâi tơnêi Tân Nam – Meun Chey po ‘’péa tíu tê mơdró ƀă dêi pó’’ nếo, gum thăm tơdjêp cheăng kâ, tê mơdró, ôm hyô ƀă trâm mâ kuăn pơlê pơla péa tơnêi têa.

VOV.Xơ Đăng - Hlá mơ-éa chêh hdrối cho mơ-éa ki kal dêi Đảng Tơbleăng mơnhên 5 hơnăm pêi pro hnoăng cheăng Ton xŏn -vâ mơnhông cheăng kâ – rêh ối pơlê pơla 10 hơnăm 2021 - 2025; hnoăng cheăng pêi la ngiâ mơnhông cheăng kâ rêh ối pơlê pơla plâ tung 5 hơnăm, sap hơnăm 2026;  2030 chêh tối mơnhên: Tung pơla lâp plâi tơnêi ai hên tơdroăng ôh tá tơniăn, pơreăng xông tâ tú, kong prâi hên xía vâ, tơdroăng cheăng kâ xuân châ tơƀrê ki kal ƀă ô eăng. Troăng pêi cheăng kâ tơnêi têa pin tơtêk rơdêi, tâk 510 rơtal dollars Mih. Tâng vâ riân ngăn rêm ko mơngế a hơnăm 2025 pêi lo châ dâng 5.000 dollars Mih, tâk 1,5 xôh tâng pơchông ƀă hơnăm 2020, la tơnêi têa pin ối tung khu pêi lo liăn hên.

VOV.Xơ Đăng - Kuân đoân 34 pơkâ pro klêi mâu toăng hdrối hâi hâi lơ 20/1/2026, vâ gum kuăn pơlê rĕng tơniăn rêh kâ ối ƀă teăm ai hngêi nếo vâ tơdah Têt phâi hơtôu.

VOV.Xơ Đăng - Hâi lơ 8/12, a Cần Thơ, pôa Tô Lâm, Kăn xiâm pơkuâ hnê ngăn cheăng Đảng, Kăn pơkuâ ngăn Đảng lêng Tơnêi têa veăng ai a Leh tơbâ 80 hơnăm Hâi mơjiâng khu lêng kring vế Kuân khu 9 ƀă diâp inâi Ngoh khên tơnôu khu lêng kring vế kuăn pơlê.

VOV.Xơ Đăng - Khu kăn dêi Rơ’jiu Việt Nam (VOV) nếo tơkŭm lăm pôu, hbru tơmeăm, kơjo kum kuăn pơlê kơpong tro têa lu a Khánh Hòa ƀă Gia Lai.

VOV.Xơ Đăng -  Pôa Bùi Thanh Sơn, Phŏ Ngế pro xiâm hnê ngăn Chin phuh nếo ai roh pêi cheăng ƀă khu râ kăn pơkuâ kong pơlê Lâm Đồng ‘na tơdroăng mơnhông cheăng kâ - rêh ối pơlê pơla ƀă tơdroăng pêi cheăng rơnêu kế tơmeăm khoăng xua kong mêi têa kân lân lu.

VOV.Xơ Đăng - Pôa Phạm Minh Chính, Ngế pro xiâm hnê ngăn Chin phuh nếo pơkuâ Roh hôp Chin phuh tiah hmâ rêm khế 11/2025.

VOV.Xơ Đăng - Pêi pro tiô troăng tơdjâ dêi Khu xiâm ngăn ‘na Cheăng kal kí ƀă hnê tối dêi Ngế pro xiâm hnê ngăn Chin phuh, kong pơlê Dak Lak dế thăm mơdêk hnoăng cheăng pêi pro mâu hngêi trung ai tíu kâ koi ối pơtê péa râ a tíu tơkăng kong. Tung pơla trâm hên tơdroăng pá puât mê, mâu hngêi trung ki kố  dế rế vâ chiâng, trối tíu ki kơnôm tơngah krá khât ăm lối rơpâu ngế hok tro ối a kơpong hơngế hơngo châ troh a lâm mơhriâm. Mâu tơmeăm khoăng ki mê ôh tá xê to gum ăm tơdroăng hnê hriâm mê ối tơdjêp ƀă hnoăng cheăng tơniăn krá ton vâ mơnhông ‘na rêh kâ ối, tơniăn ăm mâu pơlê cheăm, kring vế, gak ngăn tơniăn ăm kơpong tíu tơkăng kong.

VOV.Xơ Đăng -  Kơxo lơ 4/12, a Tíu xiâm Hneăng hôp kong pơlê Gia Lai, Hneăng hôp kăn teăng mâ Mât trâ̆n Tơnêi têa Việt Nam kong pơlê roh má I, hneăng hơnăm 2025 – 2030 hiăng pơxiâm po.

VOV.Xơ Đăng - A Lâm Đồng, têa kroăng Lũy đik kân pro vâ chê 800 toăng hngêi lân lu, troăng kân ăm phêp rơxế kơtâu têi Phan Thiết – Dầu Giây tro lân rơdâ. A Nha Trang, têa kroăng Cái pơtối đik kân ó, hên kơpong kuăn pơlê rêh ối kĭng têa kroăng tro lân lu, kuăn pơlê thế xĕn ối a tíu tơniăn.