VOV.Xơ Đăng - A Tíu tơbâ ton nah tơnêi têa malối a Hngêi kroăng phak  Ƀuôn Ma Thuột, kong pơlê Dak Lak po leh krip tơkŭm po leh Tơbâ kơ mâu lêng kăch măng hdrối nah tro rup kroăng tung hngêi phak hlối hlâ akố.

VOV.Xơ Đăng - Mâu hâi achê Têt Lo hơnăm nếo Bính Ngọ 2026, pơlê pêt reăng mai An Nhơn Bắc, kong pơlê Gia Lai (hdrối nah cho pơlê kong krâm An Nhơn, kong pơlê Bình Định ton nah) - môi tung mâu kơpong ki pêt reăng mai kân má môi dêi kơpong Tơdế Tơnêi têa nôkố hiăng hơniâp ro mot tung rơnó vâ chê tơpo reăng. Klêi kơ’nâi trâm tơdroăng tơ’nhê kế tơmeăm xua kong mêi kân, têa lân lu a hơnăm 2025 nah, mê nốkố, kơdrum reăng mai a tíu kố hiăng xông chiâng dâi lĕm nếo, tơdjâ troh tơdroăng ki pói tơngah môi rơnó Hơngui tŭm têk ăm mơngế ki pêt reăng mai.

VOV.Xơ Đăng - Hâi lơ 26/1, a Tíu pêi cheăng Kăn xiâm hnê ngăn tơnêi têa, pôa Lương Cường, Kăn xiâm hnê ngăn tơnêi têa hiăng tơpui tơno ƀă pôa Thongloun Sisoulith, kăn xiâm pơkuâ ngăn Đảng, Kăn xiâm hnê ngăn kong têa Lếo.

VOV.Xơ Đăng - Kơ’nâi Hneăng hôp mâu kăn teăng mâ lâp tơnêi têa rôh má 14 dêi Đảng hiăng klêi tơniăn lĕm, kơxê hâi lơ 26/1, pôa Trần Thanh Mẫn - Kăn xiâm hnê ngăn Kuô̆k hô̆i hiăng pơkuâ hneăng hôp tối tơbleăng rĕng tơdroăng dêi hneăng hôp mâu kăn tung lâp tơnêi têa  rôh má 14 dêi Đảng.

VOV.Xơ Đăng - Kơxê hâi lơ 26/1, pêi cheăng ƀă Khu xiâm pơkuâ ngăn lêng tơkăng kong dêi kong pơlê Dak Lak, Thươ̆ng tươ̆ng Đỗ Xuân Tụng, Phŏ pơkuâ Khu xiâm cheăng Kal kí mâu lêng kuăn pơlê Việt Nam, ngế pơkuâ djâ khu kăn dêi Lêng hiăng pơkâ thế Khu xiâm pơkuâ ngăn lêng tơkăng kong dêi kong pơlê Dak Lak hnê pêi kơtăng, rĕng tơbleăng tơdroăng Pơkâ hneăng hôp 14 dêi Đảng xua pêi hlối.

VOV.Xơ Đăng - Kơmăng hâi lơ 26/1, pôa Tô Lâm - Kăn xiâm pơkuâ hnê ngăn Đảng krếo phôn tơpui ƀă pôa Miguel Diaz-Canel - Kăn hnê ngăn Đảng má môi, Kăn xiâm hnê ngăn kong têa Cuba.

VOV.Xơ Đăng - Bu ối to lâi măng tĭng ‘nôi kô troh Têt Bính Ngọ hơnăm 2026, tơdroăng ki rôe kế tơmeăm ki kal vâ xúa tung roh Têt dêi kuăn pơlê a kong pơlê Dak Lak pơxiâm tâk hên. Vâ kring vế hnoăng cheăng ăm mơngế ki rôe kâ, kơvâ ngăn ‘na cheăng kố a Dak Lak hiăng ƀă dế thăm mơdêk roh ki pêi hnoăng cheăng hbrâ, mơdât mâu tơmeăm ki pơloi, tơmeăm pro bô bối, tơmeăm ki ôh tá dâi; thăm mơdêk tơdroăng séa ngăn xiâm rêi kế tơmeăm, hiăng tâi hâi khế pơkâ, tơdrêng amê, kơdroh tơdroăng ki ôh tá châ xo hnoăng mơhá tung roh ki rôe kế tơmeăm a mơ’nui hơnăm.

VOV.Xơ Đăng - Kăn teăng mâ lâp tơnêi têa roh má XIV dêi Đảng hiăng châ tơƀrê lĕm, po troăng hneăng mơnhông mơdêk nếo dêi tơnêi têa ƀă mâu troăng pêi cheăng ton xŏn. Kăn ƀô̆, đảng viên, kuăn pơlê ƀă pơlê pơla khu tê mơdró kơpong Tây Nguyên – Duyên hải Nam Trung ƀộ pơrá tơdjuôm môi tơdroăng pói vâ: Tơdroăng po Hneăng hôp thế rĕng châ pêi pro ƀă mâu tơdroăng pêi ki nhên, ƀă tơdroăng pêi inhên dêi Chin phuh, mâu khu xiâm, kơvâ cheăng ƀă kong pơlê klêi Hneăng hôp

VOV.Xơ Đăng - Kŏng an cheăm Dak Liêng, kong pơlê Dak Lak nếo tơdah xo môi to kuăn mơnhó Java xua kuăn pơlê lăm pơcháu xêh.

VOV.Xơ Đăng - Kơxo lơ 26/1, pôa Phạm Minh Chính, Ngế pro xiâm hnê ngăn tơnêi têa pơkuâ roh hôp má péa dêi Khu hnê mơhno Chin phuh ‘na pơkuâ, hnê mơhno tơdroăng cheăng kâ kân.